TUMWÖY 137 - PIPÏLIA

¹ Kikïtïpicha sörömu lalwatïna Papilon, kïtörengwecha lok otini kikinanacha Sayon.*

² Kikiwusicha pïkantisköcho kwenu keti korononi.

³ Kimököy pich cho kinamecha ketumchine chane tumwöy, kimököy chane choni kichopecha kong ketumchine chane, kïlenchecha, “Otumwecha tum pö Sayon.”

⁴ Kïtumchinecha lö ne ECHOTYON ompö koro pich walaka?

⁵ Ato owutyegheninyi, we Yerusalem, igh ewunyan nyo pö tagh kïwutyeghö pïkan!

⁶ Ato mananïnyinye, we Yerusalem, ato moyitinyinye lö ichinyi ngörekyenyan nyo wow, ikany kïnyïkisit ngalyapunyan nyo makïtumöy.

⁷ Mewutyeghö, we ECHOTYON, ngala pipö Edom asisanya kikïnam Yerusalem atakinye kimwa lö, “Anganya Yerusalem! Anganya, ntökwit koghi kitorötenyi!”

⁸ Heywey, nyi kiwurintonï le Papilon! Soyönote chi nyo ghokunyi ghöyityö nyo kighwechanyi!

⁹ Soyönote nyinte nyo nömöy moneku akunyaka ghatoy! Tum pö Daudi.