TUMWÖY 129 - PIPÏLIA

¹ “Kichopanïn pungköchan kong kïnyïl cho chang kïngata otini kitochan chumwak,” nya kïmwowï Israel.

² “Kichopanïn pungköchan kong kïnyïl cho chang kïngata otini kitochan chumwak, wölo melö kimï kïrïntanïn.

³ Kimutmut patawunyan akwigh kïkarkegh nko par nyo kakïngor.

⁴ Pö man ECHOTYON nyo ketyakanïn pörköyi mwokïyis.”

⁵ Nya kïnyorï arasï pich löwïr cho reyöy Sayon* akeyoda lötï!

⁶ Nya kïkarkegh chane löwïr nko sus cho pito korïn wölo le pörko, cho yomsot kïtomö kïkilyö

⁷ cho möminye chi nyo ghömïtöy anta kasan rötutkachi.

⁸ Möminye chi nyo weröy atoni akïlö, “Nya kusoyönok ECHOTYON! Kisoyönokwa ompö kaynata ECHOTYON!” Tum pö saghat ompö rutogh pö Yerusalem.