TUMWÖY 128 - PIPÏLIA

¹ Soyönote chane cho konyïtöy ECHOTYON, cho ripöy ortïnechi.

² Inyorunyi tïkwïn cho imököy ompö kighotiku, ingörökenyi aipöghisyö nyo karam.

³ Lata korkengu sapipïyon nyo yinu akwa cho chang ompö kongu, chongitu moneku kuwit mangu le ghyaghani ket kuwit mesengu.

⁴ Kisoyönöy lenyoni chi nyo konyïtöy ECHOTYON.

⁵ Nya kusoyönïn ECHOTYON nyo möngöy Sayon!* Isïwa perur pö Yerusalem ompö osisweku löwïr!

⁶ Isïwa kukötineku! Pöghisyö ompö Israel! Tum pö saghat ompö rutogh pö Yerusalem.