TUMWÖY 125 - PIPÏLIA

¹ Karkegh pich cho twoytoy kegh Tororöt nko kutïng pö Sayon* nyo metimtimonye, wölo ghyongöy kokay.

² Le wölo kiwitwit kutïngkotï Yerusalem, kïlenyenyoni ECHOTYON ompö pikachi, kïngata ye nko kokay.

³ Ay möpöytonye mwokïyis kor nyo kiketö pipö man atömötöp chane tökwigh ngokï.

⁴ Ighchinö nyo karam, we ECHOTYON, pich cho karamach, nko chane cho tenote mïkulöwekwa.

⁵ Wölo iwany pich cho kichumponchö, iwany mwokïyis lömïs. Kalya ompö Israel! Tum pö saghat ompö rutogh pö Yerusalem.