TUMWÖY 122 - PIPÏLIA

¹ Kyangarakan otini kikïmwowanïn lö, “Kepe kelïtö Kö pö ECHOTYON.”

² Kïmitecha ye, keghyongo kukotiku, we Yerusalem!

³ Yerusalem, kanasyan nyo kikïtek kïnam kegh lö kïng.

⁴ Wölete wölo pusöy pich, pusöy pipö ECHOTYON, atö kuyokyï nyinte sörö kïrïp kegh nko wölo kikiyomistö pipö Israel.

⁵ Kikesötyï orinyi ngöcherwo kirwok, ngöcher cho pö ara Daudi.

⁶ Osoghchinö Yerusalem kïnyorï kalya. “Nya kulet chane cho chöminyi.”

⁷ Nya kïtöpö kalya orito nïyetweku akïnyorï ripöt koriku pö paytagh.

⁸ Akwompö piköcha nko kongotichan omwowunyi we Yerusalem lö, “Nya kïtöpö kalya oringu!”

⁹ Akwompö Kö pö ECHOTYON Tororötïncha, osoghan lö ilet inyorï tïkwïn. Tum pö pustagh pö Yerusalem.