TUMWÖY 12 - PIPÏLIA

¹ Ngarakecha, we ECHOTYON, kikuwonyö pich cho ghönote, mökïminye chi nyo le ompö akonga nyo ghöninyi.

² Mïrchini kegh chane löwïr putintön, ngölono kutïwekwa ngala lïs.

³ Imut, we ECHOTYON kutïwa lïsï löwïr nko ngalyap anka tïkwïl nyo kwolöy kegh

⁴ chona lentöy, “Kïrïntocha ompö ngölyepköcho kïmwoghecha kïgh nyo kïmököy, kï ngo nyo werecha tagh?”

⁵ Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

⁶ Kighönöy ngala ECHOTYON, lata chane silpa cho kakïsita mapa kopan aketïlil ompö mayoni kïrelit.

⁷ Nyi, we ECHOTYON nyo ikomönecha, iripech ompö pïnete kokay.

⁸ Pestotoy mwokïyis kïghömï koros löwïr akïkwolöy chane tïkwïl kïgh nyo gha. Ompö kintöghoghinto tumï. Tum pö Daudi.