TUMWÖY 116 - PIPÏLIA

¹ Ochöman ECHOTYON, ompöwölo, lïmöy kutinyan nko sonutköchan.

² Ompöwölo köpöy yitïnyi kutöngu wölo omitan, kïlenyona okuran nyinte ato tosöpan.

³ Kiwitanïn ngöghöptino meghat kïnamanïn ristino ngwen, kowongunan loloyönöt nko ngwonïn.

⁴ Okurön nyu kaynata ECHOTYON lö, “Kaykay, we ECHOTYON sörwante!”

⁵ Pöropchon ECHOTYON akwighöy man, tïng kisyonöt Tororötïncha.

⁶ Komönöy ECHOTYON pich cho nyörkölöl, kisörwanïn nyinte ato kikïpïranïn.

⁷ Kalyana, we söpontanyu, ompöwölo kakwighwanïn ECHOTYON nyo karam.

⁸ Kïsörunenanïn ECHOTYON meghat akïmis lokechan, akïripanïn tömapïtan.

⁹ Kïlenyona, owesteghonan tawu ECHOTYON, ompö koro pich cho söpchot.

¹⁰ Mopïstanye kighanatenyu, kïrkegh kyolan kikichopanïn kong nyoman.

¹¹ Otyan amwaghan lö, “Möminye ptangengmöt nyo kighönöy.”

¹² Ne nyo otöninan ECHOTYON, ompö köromnyenyi nyo kikwighwanïn?

¹³ Oropchinan ECHOTYON ropöwo dipay* akurön kaynata ECHOTYON nyo kisörwanïn.

¹⁴ Otöninan ECHOTYON tïkuchu cho kyoyomisyan ompö tawuto pikachi löwïr.

¹⁵ Ngwonchini nyoman ECHOTYON, megha chi akong ompö pikachi cho ghönote!

¹⁶ Ochan mötworintengu, we ECHOTYON, ochan mötworintengu le wölo kilata yonyan kityakanyi pörköy cho kikïratenanïn.

¹⁷ Oropunyi amörostin cho pö sörö akurön kaynata ECHOTYON.

¹⁸ Otöninan ECHOTYON tïkuchu cho kyoyomisyan, ompö tawuto pikachi löwïr,

¹⁹ okonuneninyi kongu nyo Tïlil nyo mi Yerusalem. Asala ECHOTYON!