TUMWÖY 114 - PIPÏLIA

¹ Otini kiwuwö pipö Israel Misri, otini kipesyö ka Yakopo nko pich cho ngölonöy kut nyo sis,

² kïlïkwï Yuda pipö ECHOTYON cho tïlilöch, kïlïkwï Israel möngenyi wölo pöytegho.

³ Nyini kisïwa nanam kwighisyö lenyini kuperta kuchïchuk kegh lalwa Yordan.

⁴ Kedanga kutïngkotï le mökol kukomtoy ronkotïnö le wara kechir.

⁵ Ayo nanam, ne nyo köyuchinyi tepertena? Kïkany nyi Yordan, kölö ne tömakuyintonye pögheku?

⁶ Akwa kutïngkot, kölö ne tadangonyakwa le mökol? Akwa ronkon, kölö ne tokomsötenö le wara kechir?

⁷ Potana, we ngwïny ompö tawu ECHOTYON, potanena tawu Tororöt pö Yakopo,

⁸ nyo wöghököy ghatoy kïlïkwï ngörpil ighöy ghatoy walisay kuyinonu pögh.