TUMWÖY 113 - PIPÏLIA

¹ Asala ECHOTYON! Asala cho ochï mötwori ECHOTYON, asala kaynatenyi!

² Nya kwororit kaynatenyi, kïngata ye nko kokay.

³ Kïngata wölo pusuno asis ntökwit wölo röytoy asala kaynata ECHOTYON!

⁴ Pöytoy ECHOTYON punton löwïr, lengo ororyenyi yïmwöy.

⁵ Ngo nyo lata ECHOTYON Tororötïnyo, nyo möngöy parak,

⁶ rumu nyinte kïtopönöy yïmwöy kurel ngwïny to.

⁷ Chökortegho meywon meywontön akïsïtunö nyinte kasamï

⁸ akutö kupoyotö nko pöytoghï, pöytoghiko pikachi.

⁹ Konyïtöy korka nyo le sonö, akwigh kïlïkwï kama tengon nyo ngarakate. Asala ECHOTYON!