TUMWÖY 110 - PIPÏLIA

¹ Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”

² Ighöy ECHOTYON paytaghtangu kunenara Sayon.* Ipöytonenyi ntepayta ompö chini le punköku lapay!

³ Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

⁴ Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

⁵ Mi Echotyon ewungu nyo pö tagh, ngïröy nyinte pöytoghï ompö asisto nörekyenyi.

⁶ Rwokyini pipö koros akïpar chane kutïkumö, kwïlöy kintöghoghï ompö ngwïny kïmïkul.

⁷ Gheghöy pögho champilwa ompö ara or, akïwö nyo kisyol mötïnyi ompö rïntagh.