TUMWÖY 11 - PIPÏLIA

¹ Oghïponan kegh wölo mi ECHOTYON. Omwowanïkwa lö ne lö, “Pilö tanga kutïngkot le tarit,

² Kinyigh mwokïyis kïwantiskökwa cho kikesötyï kotï atökïwut pipö man ato tuw wïngate.

³ Ato kikenyar otöptin cho karamach, kïtökwighöy ne pipö man?”

⁴ Mito ECHOTYON Konyi nyo tïlil akïmitoni ngacharunyi nyo pö paytagh wölnö le yïm. Topönöy konyichi pich löwïr akunkït kïgh nyo ighöy chane.

⁵ Työmöy ECHOTYON pipö man nko mwokïyis, wölo ghöchini nyinte pich cho le mosï.

⁶ Ropönchini nyinte mwokïyis ngeset nko kiryal atökïlïkwï yomo maral kaplawachtangwa.

⁷ Ompöwölo pö man ECHOTYON, chömöy nyinte ighisyewut pö man. Sïwïyi pich cho tenote nyinte. Ompö kintöghoghinto tumï. Kïrïp kegh nko Syeminit. Tum pö Daudi.