TOWUNÖT 5 - PIPÏLIA

¹ Anyï ara tötutyo monïngo Adam. Atakinye kigh Tororöt chi, kigh nyinte chane kïkarkegh nko nyinte.

² Kigh mïrön nko korka akusoyön atolapay kïmïnchï chane lö, “Ptangengmöt.”

³ Otini kitïng Adam könyis 130, kïsïch monïng nyo le weri nyo kikarkegh nko nyinte, kïkurö Set.

⁴ Kïngata otini kiyï Adam Set, kïtöpö ngat könyis 800 kisïch monïnge walaka cho le wor nko tipïn.

⁵ Kïrapas Adam ato kitïng könyis 930.

⁶ Otini kitïng Set könyis 105, kïsïch werïnyi nyo kikuro Enos.

⁷ Kïngata atoni, kïtöpö Set ngat könyis 807, kisïch monïnge walaka cho le wor nko tipïn.

⁸ Kïrapas Set ato kitïng könyis 912.

⁹ Otini kitïng Enos könyis 90, kïsïch werïnyi nyo kikuro Kenan.

¹⁰ Kïngata atoni, kïtöpö ngat könyis 815, kisïch monïnge walaka cho le wor nko tipïn.

¹¹ Kirapas ato kitïng könyis 905.

¹² Otini kitïng Kenan könyis 70, kïsïch werïnyi nyo kikuro Maalalel.

¹³ Kïngata atoni, kïtöpö ngat könyis 840. Kisïch monïnge walaka cho le wor nko tipïn.

¹⁴ Kirapas ato kitïng könyis 910.

¹⁵ Otini kitïng Maalalel könyis 65, kïsïch werïnyi nyo kikuro Yared.

¹⁶ Kïngata atoni, kïtöpö ngat könyis 830. Kisïch monïnge walaka cho le wor nko tipïn.

¹⁷ Kirapas ato kitïng könyis 895.

¹⁸ Otini kitïng Yared könyis 162, kïsïch werïnyi nyo kikuro Enok.

¹⁹ Kïngata atoni, kïtöpö ngat könyis 800. Kisïch monïnge walaka cho le wor nko tipïn.

²⁰ Kirapas ato kitïng könyis 962.

²¹ Otini kitïng Enok könyis 65, kïsïch werïnyi nyo kikuro Metusela.

²² Kitöpö nyu Enok nko Tororöt könyis 300 akisïch monïnge walaka cho le wor nko tipïn.

²³ Kïlenyona kimöngisyö Enok könyis 365.

²⁴ Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.

²⁵ Otini kitïng Metusela könyis 187, kïsïch werïnyi nyo kikuro Lamek.

²⁶ Kïngata atoni, kïtöpö ngat könyis 782. Kisïch monïnge walaka cho le wor nko tipïn.

²⁷ Kirapas Metusela ato kitïng könyis 969.

²⁸ Otini kitïng Lamek könyis 182, kïsïch werïnyi nyo

²⁹ kïkuro Noa, ompöwölo kilö, “Monïngete nyo konecha kimïny kïngetunö ighisyewutköcha cho owesöch cho kighocha ewunecho ompö ngwïnyinï kichïp ECHOTYON.”

³⁰ Kïngata atoni, kïtöpö Lamek ngat könyis 595. Kisïch monïnge walaka cho le wor nko tipïn.

³¹ Kirapas ato kitïng könyis 777.

³² Kïkany kwitïta Noa könyis 500, kïsïch werkachi sömök, Syem nko Am nko Yapet.