TOWUNÖT 10 - PIPÏLIA

¹ Achï monïng cho kiyï werpö Noa: Syem nko Am nko Yapet otini kiwonyö puseryonta.

² Achï werpö Yapet cho kisïch: Komer nko Makok nko Maday nko Yapan nko Tupal nko Mesyek nko Tiras.

³ Werpö Komer cho kisïch kï: Askenas nko Ripat nko Tokarma.

⁴ Werpö Yapan kï ki pipö Elisya nko Tarsis nko Kitim nko Dodanim.

⁵ Chane kï pich cho kipö ara pich cho kighömï sörömu nanam nko koros cho mi nanam. Kitïng werpö Yapet koroswekwa, akingölonöy anka tïkwïl ngalekwa cho sisinchö.

⁶ Werpö Am kï ki Kus nko Misri nko Lipya nko Kanan.

⁷ Werpö Kus kï ki Sepa nko Apila nko Sapta nko Raama nko Sapteka. Ki werpö Raama Syepa nko Dedan.

⁸ Kitïng Kus werïnyi nyo kikuro Nimrod nyo kilïkwï nyakan nyo wow tya ompö kor kïmïkul.

⁹ Kingarak ECHOTYON nyinte kïlïkwï sökosin nyo awes, nka nyay mwoghöy pich lö, “Nya kwighinyi ECHOTYON lïkuna sökosin nyo awes le Nimrod!”

¹⁰ Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia.

¹¹ Kïweghö Nimrod korononi akïwö koro Asirya akïtek kanasyanta Ninawi nko Reopot Ir nko Kala nko

¹² Resen nyo mi kwenu Ninawi nko Kala, kanasyan nyo wow.

¹³ Monïngo Misri kï pipö Ludim nko Anamim nko Leapim nko Naptuim

¹⁴ nko Patrusim nko Kasluim, cho kiyï pipö Pilisti nko Kaptorim.

¹⁵ Werpö Kanan kï ki Sidon nyo kile poretye nko Et

¹⁶ nko pipö Yepusi nko pipö Amori nko pipö Kirkasyi

¹⁷ nko pipö Ipiti nko Arkit nko Sini

¹⁸ nko pipö Arpadi nko Semari nko Amati. Ato mi löt kïtoytoyö pipö kapor cho pö pipö Kanan,

¹⁹ ntökwitïta koro Kanan kïweghö Sidon akutang okumpö tagh nyo pö Kerar ato lekïto Kasa akïmïrtö kutang kongasis ntökwit Sodoma nko Komora nko Adma nko Sepoim ato lekïto Lasya.

²⁰ Ki werpö Am chane cho kitïng koroswekwa, kingölonöy ngalekwa kïrïp kegh nko pikökwa ompö puntonikwa.

²¹ Ki Syem werto ompö Yapet nyo wow nyo kile kuköto pipö Eprania lapay.

²² Kïkuro werpö Syem: Elam nko Asyur nko Arpaksyad nko Lud nko Aram.

²³ Kïyï Aram pipö Us nko Ul nko Keter nko Mesyek.

²⁴ Arpaksyad kï papoto Syela nyo kile papoto Eper.

²⁵ Kitïng Eper werkachi odeny: kïkuro anka Pelek, ompöwölo kipesyote pich ompö ngwïny osiswechoni, kekurö anka Yoktan.

²⁶ Monïngo Yoktan kï: Almodad nko Syelep nko Asarmapet nko Yera

²⁷ nko Adoram nko Usal nko Dikla

²⁸ nko Opal nko Apimael nko Syepa

²⁹ nko Opir nko Apila nko Yopap. Werpö Yoktan choni löwïr.

³⁰ Kimang chane kïngeta Mesya ntökwit Separ nyo mi kutïngkoti kongasis.

³¹ Chï kï monïngo ara Syem kïrïp kegh nko ortïnekwa nko kutiwekwa nko koroswekwa cho kichagh kegh kïlïkwï punton.

³² Pïchete löwïr kï monïngo Noa kïrïp kegh nko ortïnekwa ompö puntonikwa. Kipkana pïchoni puntonï cho kighömï ngwïny, otini kiwonyö puseryonta.