OSEA 6 - PIPÏLIA

Kötogh nyo pö lïs

¹ Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

² Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.

³ Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

⁴ Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

⁵ Kïlenyona oyokunan werkoyköchan kwipkokwa ngölyontenyan nyo mutmutekwa owonyenö. Itwokwa kirwökötenyan le yekon pö kiwasan.

⁶ Ompöwölo omökan chomnyengu melö amörostin, akunkïtwanïn piköchan kïtïl ropöwo amörostin.

⁷ “Wölo kinyar chane ompö koro Adam kikïniniogh nyo kyaghan nko chane, kïpeny mumenyan.

⁸ Kanasyan Kiliad nyo pö mwokïyis nko nyo kïmïlegho kisön.

⁹ Lata Tïsï chelölös cho syepo pich or. Tïgho pich ompö or nyo wetöy Syekem akwigh ghöyityö ompö kwötin.

¹⁰ Kasïwan kïgh nyo gha nyoman ompö Israel, kipïstanïn piköchan akïpa kïsaghata körkeyïntin. Nyo kesïmnyon kegh pipö Epraim.

¹¹ “Akwompö akwa, kyatatan asis nyo okonokwa sitöt we Yuda, ompö tïkuchinö oghekwa.