NGÖTÏNYÖ 22 - PIPÏLIA

¹ Kaykay kekïl kaynat nyo karam kïtïl mökosyö nyo wow, akï kaykay pöropchö kïtïl ropïyen nko koltin.

² Kïgh nyo tïngö kegh sïkön nko mey, kwompöwölo kigh ECHOTYON chane löwïr.

³ Wïngöy kegh chi nyo chïrer, ato sïwa tapan kungwïnöy, wölo sörpopchini sölwö tapan ori lödïr kwam nyarïl.

⁴ Ropöwonto tölosyö nko kiwaghata ECHOTYON, kï mökosyö nko konyït nko söpon.

⁵ Mito kato nko ngöghöptin ara pich cho ghach, chichona yöröy kïrïpöy söpenyi kulowito kegh chane.

⁶ Ato inetanyi monïng otöp nyo mïchini kïrïpöy, kiyosit kïmöwutyeghonye mötïny.

⁷ Pöytoy sïkönö mey, akï sekeyonto pösöntoghin pösönintö.

⁸ Chi nyo letoy ghöyityö kïkösöy nyarïl, akwilöy lïkïnyi nyo mïghito pikö walaka.

⁹ Kisoyönöy chi nyo karam mu, ompöwölo moröy omisyenyi nko mey.

¹⁰ Yona kichïmpisin atökuwonyö syala, akïsï kimöloto kegh nko kimwoghsyö.

¹¹ Chi nyo chömöy tïlilyo mïkulögh, akï ngölonöy ngal cho tïng perur, kïlïku kongo pöytoghin

¹² Komönöy konyi ECHOTYON chïreryö, wölo köpïghöy ngala pich cho puryö kighanat.

¹³ Mwoghöy sosö lö, “Mi ngötïny sany! Omanïn ompö arawet.”

¹⁴ Ngöghöp kuti chepkartayan, chïnchini ori chi nyo nörekyini ECHOTYON.

¹⁵ Mi sölwontön mïkulöwu monïng, wölo yonöy sito pirirat kïlowitunö nyinte.

¹⁶ Chi nyo reyöy mey tökïtas sïkönötenyi anta nyo töni tïkwïn sïkön, kïlïku nyinte asïyech meywon.

Ngala ngöghomnyö tömönut sömök

¹⁷ Kapa yitïngu ailïm ngala pich cho ngöghomöch, aikany kïnyïghï mötïngu kinetutköchan,

¹⁸ ompöwölo pïchighitu ato irorchinyi oringu, temuka mwaghena möt ompö pöroyïn anka tïkwïl.

¹⁹ Atökungwïna kikönötengu wölo mi ECHOTYON, komwowunyi choni asisete, ay komwowunyi.

²⁰ Kyakirunyi ngala ngötïnyö cho le tömönut sömök cho pö kiruröt nko chïreryö,

²¹ tökuporunyi kïgh nyo tenate akï pö man, atemuka yokyinö ngala man pich cho tepinyi. Ngöghomnyö nyo pö tagh

Ngöghomnyö nyo pö tagh

²² Memasa mey tïkukwa lö ompöwölo mey chane, anta iwira ngal chi nyo nyorïlöy ompö ka kirwok,

²³ ompöwölo söröpu ECHOTYON chane akï söro söpon cho nyörilöy chane kong. Ngöghomnyö nyo pö odeny

Ngöghomnyö nyo pö odeny

²⁴ Menam kongot nko pich cho nörekyot anta inomnyotö nko chi nyo nyölo,

²⁵ atömenet kegh otöptinekwa, alut kegh ngöghöp. Ngöghomnyö nyo pö sömök

Ngöghomnyö nyo pö sömök

²⁶ Melïkwï akonga ompö pich cho wolwolsïyi ato ghyongchini ghosyö, anta akonga ompö cho ghyongchini pösön pö chi.

²⁷ Ato metïngetenyinye kïgh nyo ighoktoy, kechengenin pöröyungu. Ngöghomnyö nyo pö angwan

Ngöghomnyö nyo pö angwan

²⁸ Menategha rotyot nyo pö könyisyok nyo kimut kukötineku. Ngöghomnyö nyo pö mut

Ngöghomnyö nyo pö mut

²⁹ Pöghisyechini tïngana pöytoghï, melö pöghisyechini pich cho le kwïle.