NGÖTÏNYÖ 18 - PIPÏLIA

¹ Chi nyo pesyot nko kongotichi, kïyöröy ngalechi onkït, atökïmala kegh pirirat anka tïkwïl nyo tenate.

² Melö ngörökyini sölwö pköchin poto ato mwotïtoy machatenyi onkït.

³ Ato ngwïn ghöyityö, kungwïnöy sasa tïkwïl, kïkany kungwïn arasï, kungwïnöy nko kigheghchin.

⁴ Tenö ngala chi pögho nanam, ngöghomnyö kosu le kompa pögh nyo yintoy.

⁵ Melö karam ketököwï mwokïyon, anta kïmas chi pö man ompö kirwok.

⁶ Ipu kuti sölwö riri, akumïtu kutinyi mungöt.

⁷ Nyoröy sölwö kutinyi, akï ngöghöpu söpontanyi ngalyapunyi kegh.

⁸ Karkegh ngala chomin nko tïkwïn cho onyïn, ompö kut kïghömï pör löwïr.

⁹ Chi nyo sosönchini ighisyenyi, kïtupchö nko chi nyo le kinyorin.

¹⁰ Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

¹¹ Lenchini kegh sïkönö körtenon sïkönötenyi, le nayat nyo anger akikïtek kïwö yïm.

¹² Nyoghöy chi kïmenöy kïtomö kïchïnta, wölo nyoghöy tölosyö kïrïpöy konyït.

¹³ Ato wöghökwï chi ngölyon kïtomö kïlïm, kï sölwontön akï arasï.

¹⁴ Muköy mïkulöwu chi kïmïkukönöy kichïr, wölo ngo nyo muköy kïmïkukönchini mïkulögh nyo nïkis?

¹⁵ Nyoru chi nyo tïng pköchin chïreryö, akïyöröy yit pö chi nyo ngöghom chïreryö.

¹⁶ Yotyini ropöwontö chi or, akumïtyï nyinte tawu pich cho echön.

¹⁷ Chi nyoghöy kïmwowu ngalechi ompö ka kirwok, kilenchini kegh pich pö man ngalechi, ntökïtenö kungwïn chichinö rwoköy tïkwïl akïtep nyinte ngal.

¹⁸ Kïpïröy kura tökuwany kimölöto kegh, akepesyö pich cho owesöch cho poryot.

¹⁹ Nyïmnyïm kerïnta kanasyan nyo wakate kitïl kïrich chi werïngwa nyo kölelchï. Karkegh syala nko möröwo ortïna kanasyan.

²⁰ Pïghyongöy chi ngaleko kutinyi, Pïghyongoy chi kutinyi.

²¹ Tïngeto ngalyap owesyo meghat nko söpon, pich cho chömöy kipöghisyegho kinyoru cho mïchini.

²² Chi nyo kep korka, kïnyoru kïgh nyo karam akïsïköy chömchin ompö ECHOTYON.

²³ Pöghisyegho meywon saghsaghat, wölo mölyöngu sïkönö ompö köwköwghyö.

²⁴ Mi kongot cho ighöy kegh lö kïchï kongot, wölo mi akong nyo nomnyot nko kongenyi kïtïl werïngwa chi.