MALAKI 4 - PIPÏLIA

¹ Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

² Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

³ Otyökotyökyinekwa ngwïny mwokïyis kïlïkwï terït asisoni. Mwoghöy ECHOTYON Kimuktoghin.

⁴ “Anana kirurut nko kinetutköchan cho kyotönön mötworintenyan Musa ompö kutïng pö Sinay atökïrïp pipö Israel löwïr.

⁵ “Arosa nyu! Oyonunan werkoyon Eliya kïtomö kwitï asispa ECHOTYON, asis nyo pö otyogh nyo wow nyoman.

⁶ Ngwïnöy nyinte kulinyot ngat papotïn nko monïng, tömangwïnan ochïp korenkwa kunyara.”