ISAYA 12 - PIPÏLIA

¹ Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

² “Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

³ Orömonekwa pögho ngörekyö, kori pöghoni sörunöto ECHOTYON.

⁴ Itu asis ato tumöy pich lö, “Oyokyinö ECHOTYON sörö! Okurö nyinte tökungarakekwa. Omwochinö pipö punton kïmïkul pöghisyewut cho kegh nyinte amwochï chane wölo töror nyinte kïlïkwï!

⁵ Otumchinö ECHOTYON, ompö tïkwïn cho echön cho kegh nyinte. Akanya kïlïm ngwïnya kïmïkul ngalechoni.

⁶ Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”