ZEKHARIAH 7 - DAÜLANGPÜ LAIHING (BSI)

Shüaeiyungle Nevai, Shahhing hatü Phahji

¹ Darius ong vaipü bong ali mü lenyang shüpabü Kislev len nyih alipabü kü Zekhariah touei Shembüpalei shah peiteke.

² Bethel nanglakthüi Sharezer hatü Regem-Melekh nyi mü jomei shennyakthüi SHEMBÜPAleipü phahji yühen,

³ hatü Jeiyong Shembüpalei phopshem leipü ngongpathü hatü thibüthü kü, “Hami bong luangi dükei heihpükei lenyang ngapabü kü shüaeiyunglehen hiang?” shei phehen shingvaishi shom.

⁴ Hahepak kü Jeiyong Shembüpalei shah ngei touei pei:

⁵ Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

⁶ Hatü mechem ammi hahpa, hatü yingpa, am nyingi hüshemhen shingvaishi hahpü yingpü nevaipü je?

⁷ Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

⁸ Shao Shembüpalei shah Zekhariah touei peiteke:

⁹ Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

¹⁰ Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.

¹¹ Shejao jomi ha kü mong neshuoh; ngaümphei lepdai hatü dhaong neno.

¹² Shahkungnyü hatü Jeiyong Kahvangi büpalei laanghai thibüthü homei shompü shahthü nebangnüng shei jomei mongdang yaong kei vaandai. Hanangkü Jeiyong SHEMBÜPAleipü mongshih longpü peiteke.

¹³ “Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

¹⁴ Jomi nenyingpü kung kahdokei alüngleple kei ngei jom maoei haitükpeih. Üpaiyao nenyui hajük meipü kahdok lavüngtoiyei tuhphongpeih. Hapa keiha meipü kahdok jomi vüngmaki tuhhen mü lingteke.