SOLOMONEI KESHO 7 - DAÜLANGPÜ LAIHING (BSI)

Bahapai Epü

¹ Lathuh thuhjü nüngei la meshük meipüang, Oh Onglanyü! Nüngei shüngkungü yüknyü leshi, doumin dükpü amei lakdou kei shüke.

² Nüngei houngü mechemao vukpü yiüi netaopü toilangpü yiüshong leangke. Nüngei vomü yangkheihchüi shonei nyupü hah manang kei shüke.

³ Nüngei amma nyiyü shaoki cheha nyi peetei shaanpü kei shüke.

⁴ Nüngei üngü meinyübha-i lingpü shangdü kei khih. Nüngei mükü Heshbon chingnyülei Bath-Rabbim penyüsha yopai leipü yungkuk kei shüke. Nüngei shoungü Damaska philei meepü Lebanon shangdü kei shüke.

⁵ Nüngei shangjingi nüngü Karmel Kahshang kei leihünyüke. Nüngei sho-ü haangvang kei nyakshi, hapa meipai ongpayao yeplangnyüke.

⁶ Nüng meshük nela meipüang, Oh monghahpü nelanyü!

⁷ Nüngei bümhishao palm pü keiha, hatü nüngei amma betjükchoung kei shüke.

⁸ “Ngei hapa palm pü kü aonghen; hatü haleipü betjük vaümhen” shei e. Nüngei ammayü nyalingngupai choung keiha; nüngei ngü apple ngü büpü keiha;

⁹ hatü nüngei ju yiü ngü meipü kei shüke. Hapa yiü nelanyü touei jiüshangi yentuh, hatü pinnyülei juben, hatü bha kü aüh-ei yentuh.

Nelanyüi Epü

¹⁰ Ngei ngelei bahalei, hatü büpai ngei kü monghahnyeih.

¹¹ Huoi, ngelei bahapa, ji koshoya kü kamtei daishah, hatü chingnyülei paümei hepak tükshah.

¹² Ji lomi nyalingngupai kahlei heihshah, hatü hapa punglashang veishah; Nyalingngupai hatü pomegranat bong punglashang veishah. Halei ngei bampü nüng kü shuohhen.

¹³ Yingmong chüi vong meipü shuohnyüke, hatü jenei shadenei betjükvungjük lemphüli, chang hatü ja kemei nüng shing tuh-ei nyüpeih, Oh ngelei bahapa.