SHAKEI VAMPÜ 7 - DAÜLANGPÜ LAIHING (BSI)

Füoshang Shüngtükpü Israel am 144, 000

¹ Hapheikü ngei vangsho phongshan ali kahdoknyü vaungjung ali kü kahdoknyü kü nevaijü yungching kü nevaijü mepa pü kao vanglüki nelükhen shingvaishi kahdoknyü vanglük ali kü düktü ee.

² Hahepak kü ngei lebü vangsho phongshan hük vanyangyem Kahvangei füoshang notü heongphi leipü vamkei-i ee. Büpai kahdok hatü yungching mangtükhen ngan shuohtükpü vangsho phongshan ali kü ngeüwong anei nyüktü,

³ “Hami hamei Kahvang chongphopüthülei shangba kü füoshang mangshüng thahshi ammi kahdok nevaijü yungching nevaijü püthü temangtük” shei eteke.

⁴ Hapheikü ngei Israel phang ieyei kübü füoshang shüngtükpü nanglak bhei-ie 144, 000 danteke: Jat ieyei kübü füoshang shüngtükpüthü bhei-ie:

⁵ Judah phang kübü 12, 000, Reuben phang kübü 12, 000, Gad phang kübü 12, 000,

⁶ Asher phang kübü 12, 000, Naphtali phang kübü 12, 000, Manasseh phang kübü 12, 000,

⁷ Simeon phang kübü 12, 000, Levi phang kübü 12, 000, Issakhar phang kübü 12, 000,

⁸ Zebulun phang kübü 12, 200, Joseph phang kübü 12, 000, Benjamin phang kübü 12, 000.

Jat Peü Kübü Khongnyü

⁹ Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.

¹⁰ Jomphongi ngeüwong anei lenei eteke: “Yemleipeyü ong uoshing kü uopü jenei Kahvang, hatü Mi Chehalei!”

¹¹ Vangsho phongshanthü ong uoshing shinei, behethü shinei hatü yemmü nyupü yemhathü ali shinei yaongtü ong uoshing touei jomei dhe aümei shatü Kahvang kü khüm,

¹² hatü hapakei kesho lok: “Amen! Moihiman, müknyinshekhang, hatü kihikon, dupü-oupü, dhüm, ngan, hatü wong kemei den den kü jenei Kahvangei vaituh! Amen.”

¹³ Hahepak kü behethü khongkü hüki ngei kü, “Bhagthuh shola thuhpü hathüyü üamang, hatü jomphong meleipü peiküpa?” shei phe.

¹⁴ Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

¹⁵ Ha vaipü nangkü jomphongü Kahvangei ong uoshing touei nyakhingai thüngei büpa touei phopshemei khümnyu khih, hatü halei uopübai jom kü dhümhen.

¹⁶ Jom hajük kü halei nük ne-aeihen, hajük kü yung nelehen; vanghenyüi jom kü nekethen, hatü nyahpüshampai jom neshamhühen;

¹⁷ mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”