NEHEMIAH 12 - DAÜLANGPÜ LAIHING (BSI)

Ngongpa hatü Levi am Nyangpü

¹ Hathüyü Shealtielei cheha Zerubbabel hatü Jeshua nyi mü wüpküp leipü leipü ngongpa hatü Levi am nyüke. Ngongpathü: Seraiah, Jeremiah, Ezra,

² Amariah, Mallukh, Hattush,

³ Shekaniah, Rehum, Meremoth,

⁴ Iddo, Ginnethoi, Abijah,

⁵ Mijamin, Maadiah, Bilgah,

⁶ Shemaiah, Joiarib, Jedaiah,

⁷ Sallu, Amok, Hilkiah, Jedaiah, hathüyü Jeshualei nyih kü ngongpathü kü mübüthü nyuteke.

⁸ Levi am: Jeshua, Binnui, Kadmiel, Sherebiah, Judah, hatü Mattaniah, hathüyü menvih kesho lokpü kü khei vaiteke.

⁹ Bakbukiah hi Unno nyi mü sheühteipüthü phopshemei jom mü khangteishi yaongteke.

¹⁰ Jeshuayü Joiakimei chepa, Joiakimü Eliashibei chepa, Eliashibü Joiadalei chepa,

¹¹ Joiadayü Jonathanei chepa, hatü Jonathanü Jaddualei chepa nyuteke.

¹² Joiakimei nyih kü hathüyü ngongpa phang kü shangjingthü nyuteke: Seraiah am phang kü Meraiah, Jeremiah am phang kü Hananiah,

¹³ Ezra am phang kü Meshullam, Amariah am phang kü Jehohanan,

¹⁴ Mallukh am phang kü Jonathan, Shebaniah am phang kü Joseph.

¹⁵ Harim am phang kü Adna, Meraioth am phang kü Helkai,

¹⁶ Iddo am phang kü Zekhariah, Ginnethon am phang kü Meshullam,

¹⁷ Abijah am phang kü Zikhri, Miniamin hatü Moadiah am phang kü Pildai,

¹⁸ Bilgah am phang kü Shammua, Shemaiah am phang kü Jehonathan,

¹⁹ Joiarib am phang kü Mattenai, Jedaiah am phang kü Uzzi,

²⁰ Sallai am phang kü Kallai, Amok am phang kü Eber,

²¹ Hilkiah am phang kü Hashabiah, Jedaiah am phang kü Nethanel.

Ngongpa hatü Levi Phangthü Nyangpü

²² Levi hatü ngongpa phangthülei shangjingthü kemei ngongchong Eliashib, Joiada, Jonathan hatü Jaddua hathülei nyih kü nyangei tuh, hatü hapa nyangpeyü Persia kü Darius ong vaipü hepak kü temteke.

²³ Levilei hühihathü khongkü phang kü shangjingthüyü Eliashibei cheha Johanan hepak kü mon büshah kü nyangei tuh.

Phopshemei Dousho Hanpü

²⁴ Levi am mübüthü: Hashabiah, Sherebiah, Kadmielei cheha Jeshua, hathüi mütü jom mü sheühteipüthü peü khong nyi lingtü Kahvang shennyak David ongpai epükei jangteiyei Kahvang kü menvih shuoh-ei men longei nyuteke.

²⁵ Mattaniah, Bakbukiah, Obadiah, Meshullam, Talmon hatü Akkub hathüyü phopshem peshaden yombüthü nyu; jomphongi phopshemei dou jaoshing yomei shadenei nyu.

²⁶ Hathüyü Joshualei cheha Joiakim, Jehozadakei chehülei nyih kü hatü Nehemiah governor hatü Ezra ngongpa nyilei nyih kü nyu.

Nehemiah-i Penyü Leüpü

²⁷ Jerusalem chingnyü bham leüshingkü haishi nyupü Levi am kemei mongongshi, menvih shuohei cymbal hatü harp vüngei kesho lokhen shingvaishi Jerusalemei nyükei lei,

²⁸ hatü kesho lokbüthü Jerusalem shinpü leipü hatü Netophath,

²⁹ Beth-Gilgal chingthü leipü, Geba hi Azmaveth moidoi kübü leiteke, mehenangkü kesho lokbüthüi Jerusalem shinei ching agei nyu.

³⁰ Mechem ngongpa hatü Levi ami hapa dou shingvaishi jom daüeilangei tempa, jomi nanglak, shaden hatü bhamao daüteke.

³¹ Ngei Judah am behethü bham shangei aonghü, hatü menvih shuoh-ei kesho lokei daihen khong longpü nyi jeteke. Khong hükü bham shangei lakdah philei shinei Nyüpshük Shaden lemei heihhen deishih.

³² Hoshaiah hatü Judah am mübüthü hükkeishing kesho lokpüthü pheikü mü,

³³ hatü Azariah, Ezra, Meshullam,

³⁴ Judah, Benjamin, Shemaiah, hatü Jeremiah,

³⁵ hatü ngongpa naü-eethü amit vüngei müteke. Hapheikü Jonathanei cheha, Shemaiahlei chehü Zekhariah, (büpalei bühipa Asaph am phang kübü Mattaniah, Mikaiah hatü Zakkur nyu),

³⁶ hatü büpalei shem am sheühteipü Shemaiah, Azarel, Milalai, Gilalai, Maai, Nethanel, Judah hatü Hanani hathüi Kahvang shennyak David ongpalei kesho lokteipü hadir koteke, hatü nyangbü Ezra-i jomphong khong müteke.

³⁷ Yunglok Shaden kübü David chingnyülei aongpü lateen kü aongei Davidei ongshem peih-ei bham philei shinei leiyei chingnyü kü heongphi Yung Shaden ngoi.

³⁸ Nyipabü kesho lokpü khong hükpa lemei bham shangkü phungei menvih shuoh-ei dai, hatü ngei nanglak hükkeishing mü jom phei müei Awdep Shangdü peih-ei Longpü Bham,

³⁹ Ephraim Shaden, Jeshanah Shaden, Nyah Shaden, Hananel Shangdü, Khohük Shangdü kübü Mi Shaden thahshi heih-ei Yombü Shaden touei tuhteke.

⁴⁰ Hanangkü menvih kesho lokpü khong nyi, ngei hatü lakchongbüthü hükkeishing Kahvangei shemei yaong

⁴¹ hatü Eliakim, Maaseiah, Miniamin, Mikaiah, Elioenai, Zekhariah, hatü Hananiah hathü ngongpathü amit notü vüngei yaong,

⁴² hatü jomphong pheikü Maaseiah, Shemaiah, Eleazar, Uzzi, Jehohanan, Malkijah, Elam hatü Ezer hathüi müteke. Hatü kesho lokbüthü Jezrahiah-i mütü ngeüwong anei lok.

⁴³ Jomi ha nyih jakpü moila longi shuoh, hatü nanglakthü mongongpai maei nyu, hatü Kahvangi jom longi mongonghü. Nyüha hashih peü mongong hatü Jerusalemei mongongmonglepü taileiyao dan.

Phopshemei Dükhen Doushothü

⁴⁴ Hahepak kü mongong moila, shongpü betjük moila hatü ankhong moila thaipü jaoshing yomhen shennyak jeyei tuh. Shahkungnyüi yüpü aimü chingthü shonei nyupü kahthü kübü Levi am hatü ngongpathü shing shuohpü moila kemei hathüi tuhshingei thaiyei tuhhen eteke; mehenangkü ngongpathü hatü Levi ami chongphopü kü Judah am monghahteke.

⁴⁵ Jomi David hatü cheha Solomon nyi-i epü keiha Kahvang khümpü hatü daüpülangpü dousho kesho lokpüthü hatü shaden yompüthüi dükpükei dükteke.

⁴⁶ Hepak luangi daiteke, David ongpa hatü Asaph nyilei nyih kübü Kahvang kü menvih menlong kesho lokbüthü shing kesho mübü nyuteke.

⁴⁷ Hanangkü Zerubbabel hatü Nehemiah nyilei nyih kü Israel am peüi kesho lokpü hatü shaden yombüthü shing nyihjeih hahying shuohteke. Jomi shao Levi am shingao shuoh, hatü Levi ami shao ha kübü hanei Aaronei chehathü shing tuhteke.