NEHEMIAH 11 - DAÜLANGPÜ LAIHING (BSI)

Jerusalem Nanglak Dapü

¹ Shaang nanglak mübüthü peü Jerusalemei nyu, hatü aopü nanglakthüi shennyak an kü bahük daülangpü Jerusalem chingnyülei nyuhen, hatü aopü phaihan shü lebü jilathülei nyuhen nangkü phongyomteke.

² Jerusalemei nyuhen mongpüthü kü nanglakthüi menvih shuoh.

³ Hathüyü Jerusalemei nyupü kahmük kü mübüthü, shejao Judah leipü jilathü kü nyupüthüi laophü laophülei kahphei shemshing kü nyu; Israel am hanei, ngongpathü, Levi am, phopshemei chongphopüthü, Solomonei chongphobüthülei hühihathü.

⁴ Jerusalemei Judah hatü Benjamin am hanei nyu. Judah kübü: Athaiahlei chepayü Uzziah, Uzziahlei chepayü Zekhariah, Zekhariahlei chepayü Amariah, Amariahlei chepayü Shephatiah, Shephatiahlei chepayü Mahalalel, Perezlei hühiha;

⁵ hatü Maaseiahlei chepayü Barukh, Barukhei chepayü Kol-Hozeh, Kol-Hozehlei chepayü Hazaiah, Hazaiahlei chepayü Adaiah, Adaiahlei chepayü Joiarib, Joiaribei chepayü Zekhariah, Shelahlei hühiha.

⁶ Perezlei hühiha Jerusalemei nyupü peüshep 468 thahshi nyuteke.

⁷ Benjaminei hühihathü: Sallulei chepayü Meshullam, Meshullamei chepayü Joed, Joedlei chepayü Pedaiah, Pedaiahlei chepayü Kolaiah, Kolaiahlei chepayü Maaseiah, Maaseiahlei chepayü Ithiel, Ithielei chepayü Jeshaiah nyu,

⁸ hatü büpalei jeihinaü Gabbai hatü Sallai nyu; Benjamin am 928 thahshi Jerusalemei nyu.

⁹ Zikhrilei cheha Joel-ü jomei mübü longpü hatü Hassenuahlei cheha Judah-ü chingnyü kü nyipabü lakchongbü nyuteke.

¹⁰ Ngongpathü: Joiaribei cheha Jedaiah, hatü Jakhin,

¹¹ Seraiahyü Hilkiahlei cheha, Hilkiahyü Meshullamei cheha, Meshullamü Zadokei cheha, Zadokü Meraiothlei cheha, Meraioth-ü Ahitubei cheha Kahvangei shem leipü lakchongbü,

¹² hatü jom mü phopshemei dou kü sheühteipü jom 822 nyu, hatü Adaiah-ü Jerohamei cheha, Jehoramü Pelaliahlei cheha, Pelaliah-ü Amzilei cheha, Amzi-ü Zekhariahlei cheha, Zekhariah-ü Pashhurlei cheha, Pashhur-ü Malkijahlei cheha,

¹³ hatü büpa mü sheühteipü jomphong kü shangjingthü jom 242 nyu, hatü Amashsai-ü Azarelei cheha, Azarel-ü Ahzailei cheha, Ahzai-ü Meshillemothlei cheha, Meshillemoth-ü Immerlei cheha,

¹⁴ hatü jom mü sheühteipü hampathü jom 128 nyu, hatü jomei mübü-ü Haggedolimei cheha Zabdiel nyu.

¹⁵ Levi am: Shemaiah-ü Hasshubei cheha, Hasshub-ü Azrikamei cheha, Azrikamü Hashabiahlei cheha, Hashabiah-ü Bunnilei cheha,

¹⁶ Shabbethai hi Jozabad nyiyü phopshem chingshe leipü dousho veibü nyi nyu,

¹⁷ hatü Mattaniah-ü Mikalei cheha, Mika-ü Zabdilei cheha, Zabdi-ü Asaphei cheha, büpayü menvih shuoh-ei phoppü chongpanghen mübü, hatü Bakbukiah-ü büpa mü sheühteipü khongkü nyipabü hatü Abda-ü Shammualei cheha, Shammua-ü Galalei cheha, Galal-ü Jeduthunei cheha nyu.

¹⁸ Daülangpü chingnyülei nyupü Levi am peüshep 284 nyu.

¹⁹ Peshaden yombüthü, Akkub, Talmon hatü jom mü sheühteipü shaden yomteipü jom 172 nyuteke.

²⁰ Aopü Israel am, ngongpathü, hatü Levi am peü Judah jilathü kü laophülei mükjüp shing kü nyuteke.

²¹ Shejao phopshemei chongphopüthü Ophelei nyu, hatü hathü shak kü veibü Ziha hatü Gishpa nyi nyu.

²² Jerusalemei nyupü Levi am kü veibü Uzzi-ü Banilei cheha, Baniyü Hashabiahlei cheha, Hashabiah-ü Mattaniahlei cheha, Mattaniah-ü Mikalei cheha, phopshemei kesho lokpü kü mübü Asaphei lihila nyuteke.

²³ Nyihjeih mekei jeiteiyei phopshemei kesho mühen, ongpa leipü ngeükhüam shuohteke.

²⁴ Meshezabelei cheha Pethahiah, üpa Judahlei chepa Zerahlei hühiha nyutepa, büpayü nanglak hi ongpa aa kü lembü kei nyuteke.

Lebü Chingthü

²⁵ Nanglak haneiyü jomei kah yopaipü chingthülei nyu. Judah amü Kiriath-Arba, Dibon hatü Jekabzeel hatü ha kü shonpü chingthülei nyu.

²⁶ Jom shao Jeshua, Moladah, Beth-Pelet,

²⁷ Hazar-Shual, Beer-sheba hatü ha kü shonpü chingthülei nyu.

²⁸ Jomi Ziklag, Mekonah, hatü haleipü chingthü,

²⁹ En-Rimmon, Zorah, Jarmuth,

³⁰ Zanoah, Adullam hatü ha kü shonpü chingthülei nyu. Jom Lakhish hatü ha yopai leipü kahthülei, hatü Azekah hatü haleipü chingthülei nyu. Hanangkü jomü Beer-sheba kübü Hinnom Kahji thahshi nyu.

³¹ Benjamin jat nanglakthü Geba, Mikhmash, Ai, Bethel hatü yopaipü chingthü,

³² Anathoth, Nob, Ananiah,

³³ Hazor, Ramah, Gittaim,

³⁴ Hadid, Zeboiim, Neballat,

³⁵ Lod, Ono, hatü Lakdou Dükpüthülei Kahjilei nyu.

³⁶ Judah leipü Levi am haneiyü Benjamin am mü nyu.