NEHEMIAH 10 - DAÜLANGPÜ LAIHING (BSI)

¹ Hapa vangpüshuwpü kü füoshang shingpüthü: Hekaliahlei cheha Nehemiah governor, Zedekiah,

² Seraiah, Azariah, Jeremiah,

³ Pashhur, Amariah, Malkijah,

⁴ Hattush, Shebaniah, Mallukh,

⁵ Harim, Meremoth, Obadiah,

⁶ Daniel, Ginnethon, Barukh,

⁷ Meshullam, Abijah, Mijamin,

⁸ Maaziah, Bilgai, hatü Shemaiah. Hathüyü ngongpathü nyuteke.

⁹ Levi am: Azaniahlei cheha Jeshua, Henadad hatü Kadmielei hapeü Binnui,

¹⁰ hatü jom mü sheühteipüthü: Shebaniah, Hodiah, Kelita, Pelaiah, Hanan,

¹¹ Mika, Rehob, Hashabiah,

¹² Zakkur, Sherebiah, Shebaniah,

¹³ Hodiah, Bani hatü Beninu.

¹⁴ Nanglak mübüthü: Parosh, Pahath-Moab, Elam, Zattu, Bani,

¹⁵ Bunni, Azgad, Bebai,

¹⁶ Adonijah, Bigvai, Adin,

¹⁷ Ater, Hezekiah, Azzur,

¹⁸ Hodiah, Hashum, Bezai,

¹⁹ Hariph, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Jaddua,

²² Pelatiah, Hanan, Anaiah,

²³ Hoshea, Hananiah, Hasshub,

²⁴ Hallohesh, Pilha, Shobek

²⁵ Rehum, Hashabnah, Maaseiah,

²⁶ Ahiah, Hanan, Anan,

²⁷ Mallukh, Harim, hatü Baanah.

Vangpüshuwpü Shahthü

²⁸ Ham Israel nanglakthü, ngongpathü, Levi am, peshaden yompüthü, kesho lokbüthü, phopshemei chongphopüthü, hatü Kahvangei shahkung banghen shingvaishi kung shennyakthü kübü yanei nyupüthü, danaokhen mü kon kohpü hamei nyüha hapeüthü peü,

²⁹ hamei jeihinaüthü, mübüthü mü chemi ham nyingi thaüvaü hüki shaei yahtü Kahvang chongphobü Mosa homei shuohpü Kahvangei shahkung kü mühen, hatü Shembüpa, hamei Shembüpai epü shahkung hatü vanglemthü peü ven bangei dükhen shei lahnyeih.

³⁰ Hamei kahdokei nyupü shennyakthü mü yiükyah lashompü nenyuhen lahnyeih.

³¹ Kung shennyakthü Sabbath nyih nevaijü lebü daülangpü nyih kü douhinang nevaijü hahying ham kü yuhen peiküjema hami ha neshakhen. Bong nyetpabü ieyei kü hami kah nelinghen hatü bheishe hang shemhen nyupü neshemhahhen.

³² Bong ieyei ham peüi hamei Kahvang phopshemei chongphopü dousho kü hathü shing tükhen nangkü ngin gram nga baong moilahen tempeih;

³³ daülangpü aan, hahying moila, jakpü moila shuohhen yemhimak, Sabbath moila, Lenja mothü, hatü lebü mothü, daülangpü moila, Israel amei mang tükhen moila hatü phopshemei nahen lebü peü shuohhen shei tempeih.

³⁴ Ham, nanglak, ngongpathü hatü Levi ami shahkungnyülei nyangei nyupükei Shembüpa, hamei Kahvang kü moidülei jakpü moila shuohhen nangkü mechem phang phangi Shembüpalei shemei pü moila koei peihen hapa hepak ithen shingvaishi phongyomteke.

³⁵ Shao hami bong ieyei Shembüpalei shemei shongei vetpü hah hatü shongei shümpü betjük koei peihen tempeih.

³⁶ Shahkungnyülei nyangei nyupükei shongei bühpü yeshang, shongei shaanpü yemha; mohoh, mi, yum, phopshem leipü ngongpa touei müei peiyei daühühen.

³⁷ Hami shao Shembüpalei shem leipü ngongpa touei shongei vetpü hahhi-aung, ngümpü aan, shongpü betjük, yiüja hatü mainga koei peihen, hatü hamei hahying kübü Levi am shing ankhong kohen; mehenangkü ham nyupü shing peü kü Levi ami ankhong thainyüpeih.

³⁸ Levi ami ha ankhong thaishingkü Aaron kübü phaakpü ngongpa hük jom mü daihen, hatü Levi ami shao ankhong moila kübü ankhong Shembüpalei shemei mop tuhshingei koei peihen.

³⁹ Israel nanglakthü, Levi amao omshi hahying moila, yiüja moila, hatü mainga shei phopshemei douhinang jaoshingei hatü ngongpathüi chongphopü, shaden yombüthü hatü kesho lokbüthü nyushingei koei peihen. Hami Kahvangei shem kü mong neshuoh-i netuhpih.