MENVIH KESHO 88 - DAÜLANGPÜ LAIHING (BSI)

Sheühpü Yüei Phoppü

¹ Oh Shembüpa, ngei yemleipü Kahvang, nyakhingai thüngei ngei nüng nyushingei lennyüpeih.

² Ngei phoppü nüng touei peihütuh; ngei lenpü kü nüngei dhaong shaangshih.

³ Mehenangkü ngelei laangha shanghah-i maei, hatü ngelei yangnyu mahngchong yopailei heihdainyüke.

⁴ Kahshalei shühenthü mü ngeiyao omei ieteke; ngeiyü wong neshiüpü shennyak kei,

⁵ mahngthü mü tuhphongpü keiha, jüei mahngchongei tuhphongpü keiha, nüngi hajük kü nedeihpüthü keiha jomphongü nüngei lak kübü yaktükteke.

⁶ Nüngi ngei kahsha chüpülei dungphongteke, shangmang hatü chüpülei tuhphongteke.

⁷ Nüngei mongshih ngei shak kü vihheki nyuteke, hatü nüngei yungmoki ngei lümlangteke.

⁸ Nüngi ngelei küphüthü yanhütükteke; nüngi ngeiyü jom touei nyembenüng dou leitükteke. Ngei yangei nedaiaokhen mü ngei küptük;

⁹ mongmangpai ngelei mük pumdaiteke. Nyihjeih ngei nüng kü nyüknyeih, Oh Shembüpa; nüng kü ngelei lak haongei phopnyeih.

¹⁰ Nüngi didaipüthü kü yashanpü dou düknyu je? Jom paoei nüng kü vihnyu je?

¹¹ Nüngi bampü jung mahngchongei, nevaijü nüngi shahhingepü jung Abaddon shingei baongnyu je?

¹² Nüngei thamapü douthü shangmangei, nevaijü nüngei daülangpü douthü betükhen kahdoknyülei nyinghünyuje?

¹³ Shejao ngei, Oh Shembüpa, nüng kü lennyeih; nepnüng ngei phoppü nüng touei peihünyeih.

¹⁴ Oh Shembüpa, mehekei nüngi ngei yaktüknya? Mehekei nüngi ngei toueipü nüngei dhe jodainya?

¹⁵ Nethe mebü ponghah-ei nyupeih, hatü dihen yopailei nyupeih, nüngi nyemhüpü nangkü ngei longi ponghahtih, hatü ngei mongshang kü nyüpeih.

¹⁶ Nüngei mongshih-i ngei nihtük; nüngei nyempühanpü lak shihpai ngei mahtük.

¹⁷ Helushoei jomi ngei kü yungnyü büng keiha shonteke; lem peü leipü jomi ngei kü shinteke.

¹⁸ Nüngi ngelei küphü, hatü chingyowthüi ngei yaktükhüteke, shangmangü ngelei mongkhen küphü vaidaiteke.