MENVIH KESHO 8 - DAÜLANGPÜ LAIHING (BSI)

Kahvangei Müknyinshekhang hatü Shennyakei Vangdhüm

¹ Oh Shembüpa, hamei Shembüpa, kahdok peü kü nüngei men meshük longpüang! Nüngi vangshothü shak kao nüngei müknyinshekhang lingteke.

² Vepathü nyupü nangkü, vepathü hatü bhüh yempü am dohhühen nangkü nüngi aküngnaüha hatü hashihthülei ju kübü menvih nüngi dangnyüke.

³ Mechem ngei nüngei laki lingpü vangshothü, hatü lennyü lithathü deih-ei danghen,

⁴ shennyak kü nüngi hajük mong shuohhen mü, hatü hangku kü nüngi hajük junghen mü büpa meheang?

⁵ Nüngi büpa vangsho phongshanthü mü ajüki phangpa kü ling, hatü nüngi büpa kü müknyinshekhang hatü vangdhümi athen thenhü.

⁶ Nüngi lingpü lakdouthü shak kü nüngi büpa vanglem lembü leihü; nüngi lemphü büpalei la phangei tuhphong:

⁷ mi hatü mohohthü peü, hatü kahdok shak kübü phaüyemthü peü,

⁸ shangouthü hatü yungching kübü nyahthü, yungching mongei kamteipü peü.

⁹ Oh Shembüpa, hamei Shembüpa, kahdok peü kü nüngei men meshük longpüang!