MENVIH KESHO 6 - DAÜLANGPÜ LAIHING (BSI)

Shanghah Hepak kü Phoppü

¹ Oh Shembüpa, nüng mongshihpai ngei kü telohpha, nevaijü nüng mongpuk vampai ngei kü hanghi teyahpha.

² Nüngi ngei kü phahjishih Oh Shembüpa, mehenangkü ngei shomeiyingei shadainyu khih. Oh Shembüpa, ngei meitükshih, mehenangkü nyempai ngelei vangthü kheünyüke.

³ Ngelei laanghayao nyempai mateke, Meshükpa, Oh Shembüpa, meshük lushi ngei kü sheühphahen danhen?

⁴ Peikei, Oh Shembüpa, ngei yangtuh; nüngi bampü men kü ngei yangtuh.

⁵ Didaipheikü üpai nüng deihhen? Mahngshalei üpai nüng kü vihhen?

⁶ Mahng thepai ngei nyiudaiteke, Yajeih ngelei shinshingü mükphi-i maei nyunyeih; ngelei shole mükphi kü hingdaiteke.

⁷ Mongmangpai ngelei mük pumdaiteke; hathü kemei ngelei vepathü homei vampeih.

⁸ Mang dükpüthü peü ngei toueipü lüdaikemtuh; mehenangkü Shembüpai ngei theppü danlangteke.

⁹ Phahji yüei ngei lenpü Shembüpai danteke, ngei phoppü Shembüpai yahteke.

¹⁰ Ngelei vepathü peü veü ponghen, hatü mongmanghen; jom ngangahük kü mongshangpai nyokei leidaihen.