MENVIH KESHO 53 - DAÜLANGPÜ LAIHING (BSI)

Shennyakei Mang

¹ Ngapathüi jomei mongei, “Kahvang neshiüpih” shei enyüke. Jomü tendaipüthü, jomi jiühitbenüng dou düknyüke; mei dükpü shennyak hükao neshiü.

² Kon kohpü hükao nyüla, Kahvang yempü hükao nyüla shei Kahvangi hangku kü vangsho leipü veinyüke.

³ Peü kemei lemnyong kü lüdai, jom peü nyongnyongi leidai; mei dükpü hükao neshiü, hingmei, hükao neshiü.

⁴ Ha ten dükpüthüyü nyingpü neshiüpü je? Jomi ngelei nanglakthü aan hahpükei hahtüknyüke; hatü Kahvang kü nenyüknyu.

⁵ Halei jom nyempü longpü kü nyuhen, shelei chemao nevampü nyemhihan kü nyuhen. Mehenangkü Kahvangibüpa nenyingpüthülei vangtao haitükhen; jom veühühen, mehenangkü Kahvangi jom yaktükteke.

⁶ Oh Israel am shing yemleipeyü Zion leipü peikahen! Mechem Kahvangi büpalei nanglakthülei laphen lingei leihen, Jakob mongonghen, Israel mongmeihen.