MENVIH KESHO 4 - DAÜLANGPÜ LAIHING (BSI)Sheühpü Yüei Om kü Phoppü 1 Mechem ngei nüng kü nyükhen, nüngi ngei kü jangshih, Oh ngelei daülangpü Kahvang. Ngei shanghahpü kü nyiushemmei yahshih; nüngi ngei kü phahjishih, ngei phoppü kü bangtuh. 2 Oh shennyak, meshükpa ammi ngelei müknyinshekhang veüpong leihühen? Meshükpa ammi angsha shahthü, hatü shahshem yemhen? 3 Shembüpai daülangpüthü laophü shing jepeih shei nyingtuh; Mechem ngei büpa kü nyükhen, Shembüpai ha dannyeih. 4 Nüng mongshihpai mang tethah; laophülei shinshingei mongdang yemtuh, hatü nenmü nyutuh. 5 Shembüpa kü jiüshangpü moila shuohtuh, hatü Shembüpa kü hinglemtuh. 6 Longshi shingi, “Üpai ham kü mei dükphaaokhen? Nüngei dhe kübü vangngai ham kü khangshih, Oh Shembüpa!” shei enyüke. 7 Hahying hatü yiü changshi nyupü mao nyeishi nüngi ngelei mongkü mongong longpai mahüpeih. 8 Mechem ngei lemhen, hatü nyiushemmei kü shihen, Oh Shembüpa, nüngi mon ngei yangei tuhnyeih. |
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
Bible Society of India