MENVIH KESHO 3 - DAÜLANGPÜ LAIHING (BSI)

Sheühpü Yüei Dhomi Phoppü

¹ Oh Shembüpa, ngelei vepathü meshük nyüpa! Ngei khüei longi yaongnyüke.

² Longshi shingi ngei kü, “Kahvangi büpa neyangaokpih” shei enyüke.

³ Shejao Oh Shembüpa, nüngü ngei shonei nyupü inyüshung; nüngi ngei kü müknyinshekhang shuoh, hatü nüngi ngelei shangjing ngangei anshihnyeih.

⁴ Shembüpa kü ngei wongmü len, hatü büpai laophülei daülangpü shangching leipü jangpeih.

⁵ Ngei lemei shidainyeih; shao ngei paonyeih, mehenangkü Shembüpai ngei yangei tuhnyeih.

⁶ Lem peü lemei ngei khüei yaongpü haja an kao ngei nenyemhen.

⁷ Peikei, Oh Shembüpa! Ngei yangtuh, Oh ngelei Kahvang! Ngelei vepathü peüei shahvang kü bheinyeih, hatü nemeipüthülei bha bhagtüknyeih.

⁸ Aokpü dangpeyü SHEMBÜPAleipü peinyeih. Nüngei moihiman nüngei nanglakthü shak kü nyutuh.