MENVIH KESHO 13 - DAÜLANGPÜ LAIHING (BSI)

Vepa Kübü Yanghen Phoppü

¹ Meshükpa, Oh Shembüpa, nüngi düngei ngei betükhenang? Meshükpa nüngei dhe ngei toueipü jodaihenang?

² Ngei meshükpa mongshang kohen? hatü nyihjeih ngelei mongkü mongmang kohen? Meshükpa ngelei vepai ngei shak kü longhühen?

³ Ngei kü veishih, hatü jangshih, Oh Shembüpa, ngelei Kahvang. Ngelei mük kü vangngai yahshih, hei nevaijema ngei didaihen khih;

⁴ ngelei vepai, “Ngei büpa neütüktih” shei ehen, hatü ngei dopü eeyei ngelei vepathüi mongonghen.

⁵ Shejao nüngi bampü kü ngei hinglemnyeih; nüngei yemleipü kü ngei mongongnyeih.

⁶ Ngei Shembüpa kü menvih kesho lokhen, mehenangkü büpai ngei kü longi meishi nopeih.