MENVIH KESHO 12 - DAÜLANGPÜ LAIHING (BSI)

Hepak Ten kü Phoppü

¹ Sheühshih, Oh Shembüpa Kahvang, Kahvang nyingpü shennyak hükao neshiüang; hangkuli khongkü hinglempü mahdaiteke.

² Jom hüki hük mü shahshem enyüke; jom yawh-eiyangei hüki hük mü ühingteinyüke.

³ Shembüpai yawhpüyangpü, hatü changmeipü yeijaang dehtüktuh,

⁴ Jomi, “Hamei yeijaangi neüaokhen; jubenyeijaangü hamei, hapa kü shembü üpa nyüpa?” shei enyüke.

⁵ “Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

⁶ Shembüpai lahpeyü hingshangpü, hapayü awbhaong kü nyetpa jakei daütükpü hon hi ngin kei nyüke.

⁷ Oh Shembüpa, nüngi ham yomhen, hatü nemeipü shennyakthü kübü ham yangphahen.

⁸ Peü philei nemeipüthü nyüke, shennyakthüi ten küang vihnyüke.