MENVIH KESHO 1 - DAÜLANGPÜ LAIHING (BSI)

Lemnyüshong Nyi

¹ Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

² Shejao jomi Shembüpalei shahkung, hatü büpalei vanglem nyihjeih yajeih phopei yempü kü mongong dangnyüke.

³ Jomphongü yungkungei sheipü püthü, hapalei dühü kü betjük jükpü, hatü phenlak nekaongpü püthü keiha jomi dükpü peü kü daeishenyüke.

⁴ Shejao nemeipü shennyakthüyü hapakei nevai; jomphongü vanglüki piyei deilangpü hahbhang keiha nyüke.

⁵ Hanangkü nemeipüthü shahphen shingei neyaongaokhen, nevaijü daülangpüthü thaishingei mangthü nepeiaokhen.

⁶ Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.