MATHI 1 - DAÜLANGPÜ LAIHING (BSI)

Jisu Khristalei Bülem

¹ Hapayü Abrahamei cheha David, Davidei cheha Jisu Khristalei bülem jung nyangpü.

² Abrahamü Isakei chepa, Isakü Jakobei chepa, Jakobü Judah hatü büpalei chenaüthülei chepa nyuteke;

³ hatü Judahyü Perez hatü Zerah nyilei chepa hatü chenyü-ü Tamar nyu; Perez-ü Hezronei chepa, Hezronü Aramei chepa;

⁴ hatü Aramü Aminadabei chepa, hatü Aminadabü Nahshonei chepa, hatü Nahshonü Salmonei chepa;

⁵ hatü Salmonü Boazlei chepa; chenyü-ü Rahab nyu; Boaz-ü Obedlei chepa; chenyü-ü Ruth nyu; Obedü Jesselei chepa;

⁶ hatü Jesseyü David ongpalei chepa nyuteke. Davidü Solomonei chepa, chenyü-ü Uriahlei nyüha nyuteke;

⁷ Solomonü Rehoboamei chepa, Rehoboamü Abijahlei chepa, Abijah-ü Asaphlei chepa;

⁸ Asaph-ü Jehoshaphatei chepa, Jehoshaphatü Joramei chepa, Joramü Uzziahlei chepa;

⁹ Uzziah-ü Jothamei chepa, Jothamü Ahazlei chepa, Ahaz-ü Hezekiahlei chepa;

¹⁰ Hezekiah-ü Manassehlei chepa, Manasseh-ü Amoslei chepa, Amos-ü Josiahlei chepa;

¹¹ Josiah-ü Jekoniah hatü büpalei chenaüthülei chepa nyuteke. Hahepak kü nanglakthü Babylon wüpküpei deiteke.

¹² Babylon wüpküpei deipheikü: Jekoniah-ü Salathielei chepa, Salathielü Zerubbabelei chepa;

¹³ Jerubbabelü Abiudlei chepa, Abiudü Eliakimei chepa, Eliakimü Azorlei chepa;

¹⁴ Azor-ü Zadokei chepa, Zadokü Akimei chepa, Akimü Eliudlei chepa;

¹⁵ Eliud-ü Eleazarlei chepa, Eleazar-ü Mathanei chepa, Mathanü Jakobei chepa;

¹⁶ Jakobü Josephei chepa nyuteke; Josephei chenyüha Mary-i Jisu, üpa kü Khrista shei nyüknya, büpa bühteke.

¹⁷ Hapakei Abraham kübü David thahshi denshem anpüali; David kübü Babylon wüpküpei daipü thahshi denshem anpüali; hatü Babylon wüpküpei daipü kübü Khrista thahshi denshem anpüali nyuteke.

Jisu Khrista Bühpü

¹⁸ Shaang Jisu Khrista hapakei bühteke: Chenyü Mary kü Joseph shing yiük pheyei nyu; shejao jiji shem mangyem shekü Laangha Daülangpai pinnyüi naü hük anghen mü vam.

¹⁹ Chepaha Joseph-ü shahhing shennyak vaipü nangkü pinnyü pangnyüha touei veüpongei netuhhüpü nangkü joei yandaihen temteke.

²⁰ Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih.

²¹ Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

²² Hathü peü Shembüpai thihivam homei hapakei epü jiühühen shingvaishi vamteke.

²³ “Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

²⁴ Mechem Joseph shipü kübü paopa, Shembüpalei phongshani büpa kü epükei büpai dük; büpai pinnyü yah,

²⁵ shejao hapa yeshang mangbüh thahshi büpai pinnyü mü nejem, hatü Joseph-i büpa kü Jisu shei menteke.