MALAKI 4 - DAÜLANGPÜ LAIHING (BSI)

Shembüpa lei Nyih

¹ Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

² Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

³ Ngei hathü dou dükpü nyih ammi nemeipüthü ammei labha phangkü kübhih leishi shouptükhen shei Shembüpa Kahvangi enyüke.

⁴ Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

⁵ Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

⁶ Ngei peiyei ammei kahdok thaüvaü hüki nemahtükhen shingvaishi büpai nyühipathülei mongdang hapeüthü philei, hatü hapeüthülei mongdang nyühipathü philei lephühen.