KANDOK 22 - DAÜLANGPÜ LAIHING (BSI)

¹ Mop leimü menmei jehenüng meipüba. hatü hon hi ngin leimeyü bampü-üng meipüba.

² Shemmei hatü taopa nyiphen shingvaishi hapayü aihük mü nyüpeih: Shembüpayü jijinyiphen Lingbü.

³ Kenhingpü shennyaki vongshüh eenyüpeih, hatü joshing yemnyüpeih, shejao ngapa hüki hei-üng daiyei vongshüh pongnyeih.

⁴ Nenteiaokpü hatü Shembüpa nyempülei thintho-ü mop, dhüm, hatü yangnyuyem nyüke.

⁵ Nemeipü amei lem kü hühhihang, hatü aethitai nyüke; shejao jom Yangbü-ü jom toueipü taidaitü nyüke.

⁶ Hashih hük kü büpa longhen lem nyuh-ei ventuh; mechem büpa behe leihen, büpai ha kübü neyandaipih.

⁷ Shemmei ami taopü am shak kü vanglem lemnyeih, hatü luhahpü amü lushuohpü amei aa leinyüpeih.

⁸ Üami shahshem hainya, jomi shanghah vethen, hatü mih kü shüveipü nyiamlüng bhagdaihen.

⁹ Üami nekaungi shuohnya, jom moihiman! Mehenangkü jomi jomei hahying taopathü kü hanteinyüke.

¹⁰ Nebahnevaipü shennyak changtükjü depülaopü vüngdainyeih; depülaopü, nejiünepaiteipü peü dohdainyeih.

¹¹ Üpai daülangshemshepü mongdang, hatü phahji yahyang shah ehen bamnya, ongpayü büpalei küphü vaihen.

¹² Nyingpühingpü kü Shembüpalei mük chishi nyunyeih, shejao hingnelempüthülei shah büpai yaktüknyeih.

¹³ Nehetpü shennyaki, “Chingshelei mailang nyüke, ngei jülanghen khih!” sheienyeih.

¹⁴ Mongnehingpü nyühalei ju-ü chülohpü kahsha; Shembüpai mongshihhahpü shennyak halei vühen.

¹⁵ Nelinebaongpeyü hashih hük kü nyunyüpeih, shejao ungei-aeipü lüng homei ha tailuei changtüknyeih.

¹⁶ Laophü shemmei leihen nangkü taopathü kü shüveiyei, hatü shemmeithü kü thintho shuohjema, nüng taohen.

Kandok Shah Hapüan

¹⁷ Nüngei dhaong shaangtuh, hatü ngelei shah bangtuh; Ngei nyuhpü kü nüngei mong lanei shuohtuh;

¹⁸ Mehenangkü hathü nüngei mongei tuhjema, hatü nüngei ju-i ehen temei nyujema, nüng shingvaishi mongongbenüng vaikahen.

¹⁹ Shejüang nüng hinglempü Shembüpa kü nyuhen. Shinnyih ngei nüng kü nyuhnyüpeih Hih, nüng kü.

²⁰ Ngei nüng kü kandok shah hapüan, shahnying hatü nyingpühingpü;

²¹ Nüng kü jiüpü hatü shahhing nyuh-ei nüngi shompüthü kü jiüpü shahnyok shuohhen mü ngei nüng kü nenyangangpü je?

-1

²² Taohahke shei nüngi taopa leipü aetei teyah, hatü shahphen shingei nüngi ne-angpüthü tengümtük.

²³ Mehenangkü Shembüpai jom khüambakei yaongkahen, hatü jomphong leipü aetpüthü leipü büpai aetlanghen.

-2

²⁴ Mongdang nemeipüthü mü küphü teyem; lomi mongshihpüthü mü tejemtei;

²⁵ Hei nevaijema nüngao jomei lem nyingei ha aimü daihen.

-3

²⁶ Mih-ei bheishe hang shemhen shei vangeishuwei epü kü nüng te-om.

²⁷ Nüngi shemaokhen mü neshiüshiüi mehekei nüngei shinshingao noei deitükhen?

-4

²⁸ Nüngei bühipai tuhpü shongpü viong lemchang kü tephintei.

-5

²⁹ Üami laophülei dou kü lahhinlangnyaiyei düknya, jomi nanglak nevai, ongpa chongphoei eehen.