KANDOK 20 - DAÜLANGPÜ LAIHING (BSI)

¹ Yiü yingpai yaüeilungei enyüpeih; chokpümokpü hahpai depülaopü vamhünyeih, hatü hapai chokpüthüyü ngapa.

² Ongpa hük mongshihpeyü mailang ngüngpükei nyüke; Üpai büpa mongshihhünya, laophülei yangnyu lomohhünyeih.

³ Nedenelao-i nyupeyü dhüm kohbenüng nyüke; shejao ngapai lomi mongshihnyeih.

⁴ Nehetpü shennyaki hepak vangpan kü jiüshi kah nelingnyih; hahvet shingkü meheyao yemjü nedangi nyunyeih.

⁵ Shennyak hükei mongei deihpeyü yungching chüpü leshi nyüke; shejao yao-aokpü shennyaki hapa yemei ngainyüpeih.

⁶ Longshi shingi ngei shahhing enyeih shei enyüke, shejao hinglemhen mü üpa dangaokhen?

⁷ Daülangpü shennyaki yangnyu kü eela neshiüi nyunyeih; büpa pheikao hühihathüi moihiman dangnyüpeih.

⁸ Mechem ong hüki shahphenhen shingvaishi ong uoshing kü uohenshang, büpalei müki ten kemei eenyeih.

⁹ “Ngelei mongdang daülangi nyüpeih; ngei daülangi mang neshiüi nyüpeih” shei üpai eaokhen?

¹⁰ Nejiüi dok dokpü hatü nejiüi lüng shetpü kü Shembüpai jiühitnyeih.

¹¹ Hashih hüki dangkao büpai dükpü dou homei shahhing, hatü meipü nyingdainyeih.

¹² Danhen dhaong, hatü eehen mük nyiphen Shembüpai lingpeih.

¹³ Shihen kü teken, hei nevaijema nüng taohen; thashimashi nyutuh hatü hahhen changshi danghen.

¹⁴ Bhei shakpü ami hayü nemeiang shei etü shaknyeih, shejao daiyei laophüi shakhahpü dou kü changmeinyeih.

¹⁵ Honao hammü nyüke; douvang yaongthüao changshi nyüke; shejao nyingpühingpü shah epü jubenyeijaangü bhashahshi nedangpü yüknyü kei nyüke.

¹⁶ Yenthüngangpalei bheishe hang shemhen ehahpü shennyakei ashak yahlangtuh; Lemhaoei heüpü nyüha nangkü vangeishuwpü nangkü büpalei ashak tuhlangtuh.

¹⁷ Lueilemei dangpü hahying hahhenü vüngnyangi, shejao büpalei ju yaongphaangi maei dohhen.

¹⁸ Shahnying meipü yah-ei küpjan lingtuh; vehok kü daijema kon kohshi lem hupü phei mütuh.

¹⁹ Ahshi langmaanpai shahjo kemei ngaitüknyeih; hanangkü henüng shennyakthü toueipü khaatei nyutuh.

²⁰ Hanei-i laophülei nyühipa kü thaüvaüjema, nüngei yangnyu vangnyak kü awdük metdaipükei ponghen.

²¹ Chongpangpülei ngangahük kü dangpü mophimo-i dohpü ngoishi moihiman nechongküpih.

²² “Hapa ten kü ngei khanghen!” shei te-e; Shembüpa kü hinglemei dantuh, hatü büpai ha dükkahen.

²³ Dok güh-ei dokpüthü hatü lüng nejiüi shetpüthü kü Shembüpai jiühitnyeih.

²⁴ Hangkulei lakham kemei Shembüpai nyingnyüke; Üpai mekei etü büpalei lem yao-aokhen?

²⁵ Shennyak hüki daülangpü dou dükhen shei lahtüktü pheilei mon hapa lahpü dükjema, büpa shing hühhihang leidainyüke.

²⁶ Kon kohpü ongpai shennyakten shaaptüknyeih; hatü phahji neshiüi hanghi shuohnyüpeih.

²⁷ Shembüpalei awdüki hangkulei laangha yemnyüpeih; hapai büpalei mong chüpülei yemei shünyüpeih.

²⁸ Bampü hatü hinglempai ongpa hük yangei tuhnyüpeih, hatü büpalei ong uoshing daülangshemshepai shoungei tuhnyüpeih.

²⁹ Nethe hükei müknyinshekhangü büpalei wong, hatü viüpalei dhemeilaümapü vangdhümü shosho pungpü.

³⁰ Lak-ap püshow bheipai ten daütüknyeih; Üppülenpai mongdang daühünyeih.