KAHBHAO 5 - DAÜLANGPÜ LAIHING (BSI)

Adamei Hühihathü

¹ Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

² Büpai nyüha baha shei lingtü moihiman. Mechem büpai hathü ling, büpai hathü kü, “Hangkuli” shei men.

³ Mechem Adam bong 130 nyupa, büpai büpa anshi yeshang hük büh, hatü büpai naü kü Seth shei men.

⁴ Seth bühpheikü Adami bong 800 nyu, hatü hapheikü lebü hapeüthü büh.

⁵ Peüshep Adami bong 930 nyutü büpa di.

⁶ Seth bong 105 nyushi Enosh büh.

⁷ Büpai Enosh bühpheikü bong 807 nyu, hatü yiükha yeshangthü longi büh.

⁸ Peüshep Seth-i bong 912 nyutü büpa di.

⁹ Enosh bong 90 nyushi Kenan büh.

¹⁰ Büpai Kenan bühpheikü büpa bong 815 nyu hatü shao yiükha yeshangthü büh.

¹¹ Peüshep Enosh-i bong 905 nyutü büpa di.

¹² Kenan bong 70 nyushi Mahalalel büh.

¹³ Büpai Mahalalel bühpheikü bong 840 nyu, hatü lebü yiükha yeshangthü büh.

¹⁴ Peüshep Kenani bong 910 nyutü büpa di.

¹⁵ Mahalalel bong 65 nyushi Jared büh.

¹⁶ Büpai Jared bühpheikü bong 830 nyu hatü lebü yiükha yeshangthü büh.

¹⁷ Peüshep Mahalaleli bong 895 nyutü büpa di.

¹⁸ Jared bong 162 nyushi Enokh büh.

¹⁹ Büpai Enokh bühpheikü bong 800 nyu, hatü lebü yiükha yeshangthü büh.

²⁰ Peüshep Jaredi bong 962 nyutü büpa di.

²¹ Enokh bong 65 nyushi Methuselah büh.

²² Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

²³ Peüshep Enokh bong 365 nyu.

²⁴ Enokh Kahvang mü kam, hatü büpa nenyu; mehenangkü Kahvangi büpa yahlang.

²⁵ Methuselah bong 187 nyushi Lamekh büh.

²⁶ Büpai Lamekh bühpheikü bong 782 nyu, hatü lebü yiükha yeshangthü büh.

²⁷ Peüshep Methuselah-i bong 969 nyutü büpa di.

²⁸ Lamekh bong 182 nyushi yeshang hük büh.

²⁹ Büpai naü kü Noah shei men, lappü, “Shembüpai thaüvaütükpü kahdok kü hami tokvai hanghiyei nyiueinangei dükpü dou kübü büpai ham nyiumeihühen” shei eteke.

³⁰ Noah bühpheikü Lamekh-i bong 595 nyu, hatü yiükha yeshangthü büh.

³¹ Peüshep Lamekh bong 777 nyutü büpa di.

³² Noah bong 500 behe nyushi büpai Shem, Ham, hatü Japheth bühteke.