KAHBHAO 36 - DAÜLANGPÜ LAIHING (BSI)

Esaulei Hühihathü

¹ Hathüyü Esaulei hühihathü (jom kü Edom am sheiyao nyüknyeih).

² Esau-i hathü Kanan am nyüha yahteke: Hit am Elonei yiükha Adah, Hiv am Zibeonei cheha Anahlei yiükha Oholibamah,

³ hatü Nebaiothlei chenaü, Ishmaelei yiükha Basemath.

⁴ Esau kü Adah-i Eliphaz büh, Basemath-i Reuel,

⁵ hatü Oholibamah-i Jeush, Jalam, hatü Korah büh. Hathüyü Kanan kahdokei Esau kü bühjapü yeshangthü nyuteke.

⁶ Hapheikü Esau-i nyüha hapeüthü, shem leipü shennyakthü, mohoh, yemhimak peü, hatü Kanan kahdokei nyushi dangpü mop kemei yah-ei chenaü Jakob mü taishi kahdok hükei lüdai.

⁷ Mehenangkü chemi nyuhenü jomei mop, yemhimak longi nyupü nangkü jom nyupü kahdok nebhashah-i nyu.

⁸ Hanangkü Esau (hapayü Edom) Seir phaüshang kahdokei nyu.

⁹ Hathüyü Seir kahdokei nyupü Edom amei bü, Esaulei hühihathü nyuteke.

¹⁰ Hathüyü Esaulei hapeüthü: Esaulei chenyüha Adah-i bühpü Eliphaz, hatü Esaulei chenyüha Basemath-i bühpü Reuel.

¹¹ Eliphazlei hapeüthü: Teman, Omar, Zepho, Gatam hatü Kenaz.

¹² Esaulei cheha Eliphazlei yiükphü hük Timna nyu, hatü pinnyüi Amalek büh. Hathüyü Esaulei chenyüha Adahlei hüpeüthü nyüke.

¹³ Reuelei hapeüthü: Nahath, Zerah, Shammah, hatü Mizzah. Hathüyü Esaulei chenyüha Basemathlei hühihathü nyuteke.

¹⁴ Zibeonei chehü, Anahlei yiükha Oholibamah-i Esau kü hathü bühteke: Jeush, Jalam hatü Korah.

¹⁵ Hathüyü Esaulei hühihathülei phangthü nyüke: Esaulei hashongpa Eliphazlei hapeüthü: Teman, Omar, Zepho, Kenaz,

¹⁶ Korah, Gatam hatü Amalek. Hathüyü Edom kahdokei Eliphaz kübü vampü phangthü; jomü Adahlei hüpeüthü nyuteke.

¹⁷ Esaulei cheha Reuelei hapeüthü: Nahath, Zerah, Shammah hatü Mizzah. Hathüyü Edom kahdokei Reuel kübü vampü phangthü; jomü Basemathlei hüpeüthü nyuteke.

¹⁸ Esaulei chenyüha Oholibamahlei hapeüthü: Jeush, Jalam, hatü Korah. Hathüyü Anahlei yiükha, Esaulei chenyüha Oholibamah kübü vampü hapeüthü nyuteke.

¹⁹ Hathüyü Esau (Edom) kübü vampü phangthü nyuteke.

²⁰ Hathüyü hapa moidoilei nyupü Hor am Seirlei hapeüthü nyuteke: Lotan, Shobal, Zibeon, Anah,

²¹ Dishon, Ezer hatü Dishan. Hathüyü Edom kahdokei Seirlei chehathü Hor am phang nyuteke.

²² Lotanei hapeüthü: Hori hatü Heman. Timnahyü Lotanei chenaü nyu.

²³ Shobalei hapeüthü: Alvan, Manahath, Ebal, Shepho hatü Onam.

²⁴ Zibeonei hapeüthü: Aiah hatü Anah. Chepa Zibeonei gaduthü kü het üh-ei nyushingkü Anah-i bhih kahdokei yungsham vampü yunglok dangteke.

²⁵ Anahlei hapeüthü: Dishon hatü Anahlei yiükha Oholibamah.

²⁶ Dishonei hapeüthü: Hemdan, Eshban, Ithran hatü Keran.

²⁷ Ezerlei hapeüthü: Bilhan, Zaavan hatü Akan.

²⁸ Dishanei hapeüthü: Uz hatü Aran.

²⁹ Hathüyü Hor am phangthü: Lotan, Shobal, Zibeon, Anah,

³⁰ Dishon, Ezer hatü Dishan. Hathüyü Seir kahdokei nyupü Hor am phang hanpü nyuteke.

³¹ Hathüyü Israel kü mepa ongiyao ong mangvai shekü Edomei ong vaipüthü nyuteke:

³² Beorlei cheha Bela-i Edom kü ong vai, hatü büpalei chingnyüyü Dinhabah nyu.

³³ Mechem Bela didaipa, Bozrah leipü Zerahlei cheha Jobabi jeiyei ong vaiteke.

³⁴ Mechem Jobab didaipa, Teman kahdok leipü Hushami büpa jeiyei ong vaiteke.

³⁵ Mechem Husham didaipa, Moab kahdokei Midian am neütükpü Bedadlei cheha Hadadi büpa jeiyei ong vai. Büpalei chingnyü-ü Avith nyu.

³⁶ Mechem Hadad didaipa, Masrekah leipü Samlah-i büpa jeiyei ong vai.

³⁷ Mechem Samlah didaipa, Euphrates yungkungei nyupü Rehoboth leipü Shauli büpa jeiyei ong vai.

³⁸ Mechem Shaul didaipa, Akhborlei cheha Baal-Hanani büpa jeiyei ong vai.

³⁹ Mechem Akhborlei cheha Baal-Hanan didaipa, Hadadi büpa jeiyei ong vaiteke. Büpalei chingnyü kü Pau shei men, hatü büpalei chenyühayü Mehetabel, Matredlei yiükha, Mezahabei chehü nyuteke.

⁴⁰ Hathüyü Esaulei hühiha Edom phangthü jom laophü laophü nyushing aimü nyangpü nyüke; Timna, Alvah, Jetheth,

⁴¹ Oholibamah, Elah, Pinon,

⁴² Kenaz, Teman, Mibzar,

⁴³ Magdiel hatü Iram. Hathüyü Edom phangthü jomi yahpü kahdok aimü nyupü nyüke. Esau-ü Edom jat kü bü nyuteke.