KAHBHAO 10 - DAÜLANGPÜ LAIHING (BSI)

Noahlei Hühihathü

¹ Hapayü Shem, Ham, Japheth hathülei hühihathü nyüke: Bünghiyang lenpheikü hathüi hapeüthü bühteke.

² Japhethlei hapeüthü: Gomer, Magog, Madai, Javan, Tubal, Meshekh hatü Tiras.

³ Gomerlei hapeüthü: Ashkenaz, Riphath, hatü Togarmah.

⁴ Javanei hapeüthü: Elishah, Tarshish, Kittim hatü Rodanim.

⁵ Yungkungei haiyei daipü shennyakthüyü hathü kübü nyüke. Hathüyü Japhethlei hühihathü jomei kahdokei jomei shah eshi, jomei mükhiphang, jomei jat shei nyuteke.

⁶ Hamei hühihathü: Kush, Ijip, Put hatü Kanan.

⁷ Kushlei hapeüthü: Seba, Havilah, Sabtah, Raamah, hatü Sabteka. Raamahlei hapeüthü: Sheba hatü Dedan.

⁸ Kush-ü Nimrodei chepa, büpa kahdoknyü kü shongpü wong kohpü hampa nyuteke.

⁹ Büpayü Shembüpai sheühpü homei wong kohpü hampa lei. Hanangkü, “Wong kohpü hampa Nimrod kei khih” shei ehamteke.

¹⁰ Shongpü büpalei ongchong chingü Babylon, Erekh, Akkad hatü Kalneh nyu. Hathüyü Shinar kahdokei nyu.

¹¹ Hapa kahdok leipü büpai Assyrialei heih. Halei uotü büpai Nineveh, Rehoboth-Ir, Kalah,

¹² hatü Resen hathü ching Nineveh hatü Kalah aa kü agteke.

¹³ Ijip-ü Ludim, Anamim, Lehabim, Naphtuhim,

¹⁴ Pathrusim, Kasluhim, hatü Kaphtorim, meleipü Philistia am vampa, hathülei pa nyuteke.

¹⁵ Kananü hashongpa Sidon, hatü Hit,

¹⁶ Jebus, Amor, Girgash,

¹⁷ Hiv, Ark, Sin,

¹⁸ Arvad, Zemar, hatü Hamath hathülei pa nyuteke. Shomshi Kanan am haiyei dai,

¹⁹ hatü Kanan amei viong Sidon lemei Gerar kübü Gaza thahshi, hatü Sodom hatü Gomorrah, Admah hatü Zeboiim philei heihpü Hamath am thahshi nyu.

²⁰ Hathüyü Hamei hühihathü jomei mükhiphang, shahlem eshi, jomei kahmük, jomei jat kü nyuteke.

²¹ Shemei hapeüthü: Japhethlei chejei Shem kao hapeüthü longi bühjateke. Shemü Eberlei hapeüthülei chebü nyuteke.

²² Shemei hapeüthü: Elam, Asshur, Arpakhshad, Lud hatü Aram.

²³ Aramei hapeüthü: Uz, Hul, Gether, Meshek.

²⁴ Arpakhshadü Shelahlei chepa nyu, hatü Shelah-ü Eberlei chepa nyu.

²⁵ Eberlei hapeü nyi nyu: Hük kü Peleg shei men; mehenangkü büpalei nyih kü kahdoknyü shennyakthü hanteiteke; chenaüei men Joktan nyu.

²⁶ Joktanü Almodad, Sheleph, Hazarmaveth, Jerah,

²⁷ Hadoram, Uzal, Diklah,

²⁸ Obal, Abimael, Sheba,

²⁹ Ophir, Havilah, hatü Jobab hathülei chepa nyuteke. Jom peü Joktanei hapeüthü nyu.

³⁰ Jom nyupü kahmükü Mesha kübü phaüshang kahmük heongphi Sephar thahshi nyu.

³¹ Hathüyü Shemei hapeüthü jomei mükhiphang aimü, jomei shah eshi, jomei kahmük, jomei jat shei nyuei dai.

³² Hathüyü Noahlei hühihathü jat jat laophülei bülem laolao aimü nyüke. Hathü kübü bünghiyang lenpheikü kahdok peülei haiyei daipeih.