JOSHUA 21 - DAÜLANGPÜ LAIHING (BSI)

Levi am kü Shuohpü Chingthü

¹ Hahepak kü Levi phangthü kü mübüthü ngongpa Eleazar hatü Nunei cheha Joshua hatü Israel jat kü phang phang kü mübüthü touei peiyei,

² jomi Kanan kahdok Shilohlei hathü kü, “Shembüpai Mosa homei ham nyuhen jila mü hamei yemhimaki het hahhen kahdok omshi shuohtuh shei epeih” shei eteke.

³ Hanangkü Shembüpai epü keiha Israel ami Levi am kü jomei mükjüp kübü hathü jila hatü yemhimaki het hahhen kahdok omei shuoh.

⁴ Shongpü phongü Kohath am phang kü hetteke. Aaron ngongpalei hühihathü Levi am kü Judah jat Simeon hatü Benjamin amei kahdok kübü jila anpüjem shuoh.

⁵ Aopü Kohathlei hühihathü kü Ephraim, Dan hatü bhaosheipü jat Manasseh jatthü phang kübü jila an shuoh.

⁶ Gershonei hühihathü kü phang phang aimü Issakhar, Asher, Naphtali hatü Bashanei nyupü bhaosheipü Manasseh jatthü phang kübü jila anpüjem shuoh.

⁷ Merarilei hühihathü kü phang phang aimü Reuben, Gad hatü Zebulun jatthü leipü jila anpünyi shuoh.

⁸ Hanangkü Mosa homei Shembüpai epükei Israel ami Levi am kü jila hatü yemhimak het hahshing phaümük hanei shuohteke.

⁹ Judah hatü Simeon jat nyi kübü shuohpü kahdok hathü khih,

¹⁰ hatü hathü jilathüyü Aaronei hühihathü Levi am phang Kohath kübü phaakpüthü kü shuoh; mehenangkü shongpü phongü jom kü hetteke.

¹¹ Jomphongi jom kü Judah amei phaüshang kahmükei Kiriath-Arba (hapayü Hebron) hatü ha kü shinpü phaümük yemhah shing omshi shuohteke. (Arbayü Anakim amei chebü nyuteke).

¹² Shejao chingnyü kü shinpü kah hatü chingthüyü jomi Jephunnehlei cheha Kaleb kü shuoh.

¹³ Jomi Hebron (Shojo ching khongkü hük) mü lenei ngongpa Aaronei hühihathü kü yemhimak het hahhen phaümük omshi Libnah,

¹⁴ Jattir, Eshtemoa,

¹⁵ Holon, Debir,

¹⁶ Ain, Juttah hatü Beth-Shemesh shei hapa jat nyi kübü jila kukshü shuohteke.

¹⁷ Benjamin amei kahdok kübü jom kü Gibeon, Geba,

¹⁸ Anathoth hatü Almon mü yemhimak kü het ühhen phaümük hatü jila ali omshi shuoh.

¹⁹ Aaronei hühihathü kü jilathü mü yemhimak het hahshing phaümük omshi anpüjem nyu.

²⁰ Levi am phang aopü Kohathlei hühihathü kü Ephraim jat amei kahdok kübü jilathü hanshuohteke.

²¹ Ephraim phaüshang kahdokei jomi Shekhem, (Shojo ching khongkü hük) hatü Gezer,

²² Kibzaim hatü Beth-Horon shei yemhimak yemhah shing phaümük mü jila ali omshi shuohteke.

²³ Jomi Dan jat amei kahdok leipü Elteke, Gibbethon,

²⁴ Aijalon, hatü Gath-Rimmon shei yemhimak yemhah shing phaümük mü jila ali omshi dangteke.

²⁵ Bhaosheipü Manasseh jat leipü jomi Taanakh hatü Gath-Rimmon shei yemhimak yemhah shing phaümük mü jila nyi omshi shuoh.

²⁶ Hathü jila an hatü yemhimak yemhah shing phaümük peü aopü Kohathlei hühihathü kü shuoh.

²⁷ Levi am phang Gershonei hühihathü kü bhaosheipü Manasseh jat ami Bashan leipü Golan (Shojo ching khongkü hük) hatü Be-Eshterah shei yemhimak yemhah shing phaümük mü jila nyi omshi shuoh.

²⁸ Issakhar amei kahdok kübü Kishion, Daberath,

²⁹ Jarmuth hatü En-Gannim shei yemhimak yemhah shing phaümük mü jila ali omshi shuoh.

³⁰ Asher amei kahdok kübü Mishal, Abdon,

³¹ Helkath hatü Rehob shei yemhimak yemhah shing phaümük mü jila ali omshi shuoh.

³² Naphtali amei kahdok kübü Galil leipü Kedesh, (Shojo ching khongkü hük), Hammoth-Dor hatü Kartan shei yemhimak yemhah shing phaümük mü jila jem omshi shuoh.

³³ Gershonei hühihathüi jila peüshep anpüjem mü yemhimak yemhah shing phaümük omshi dangteke.

³⁴ Levi am phang aopü Merarilei hühihathüi Zebulun amei kahdok kübü Jokneam, Kartah,

³⁵ Dimnah hatü Nahalal shei yemhimak yemhah shing phaümük mü jila ali omshi shuoh.

³⁶ Reuben amei kahdok kübü Bezer, Jahzah,

³⁷ Kedemoth hatü Mephaath shei yemhimak yemhah shing phaümük mü jila ali omshi shuoh.

³⁸ Gad amei kahdok kübü Gilead leipü Ramoth (Shojo ching khongkü hük), Mahanaim,

³⁹ Heshbon hatü Jazer shei yemhimak yemhah shing phaümük mü jila ali omshi shuoh.

⁴⁰ Aopü Levi am phang Merarilei hühihathüi jila anpünyi dangteke.

⁴¹ Israel amei lak kübü Levi ami yemhimak yemhah shing phaümük omshi dangpü jilathü peüshep pinyipüshet nyuteke.

⁴² Jila ieyei kü yemhimak yemhah shing phaümük shonei nyu; hapa keiha jila peü kü nyu.

⁴³ Hanangkü Shembüpai chebü chepa kü shuohhen shei lahpü kahdok kemei Israel am kü shuoh, hatü jomi hapa kahdok yah-ei ching agei nyu.

⁴⁴ Chebü chepa kü lahpükei Shembüpai jom kü lemphü phikü nyiushemmei shuoh. Jomei vepa hükao jom khüei neyaongaok; Shembüpai jomei vepathü kemei jomei lak kü shuoh.

⁴⁵ Shembüpai Israel am phang kü lahpü meipüthü hükao neshai-i peü jiüei dhaümteke.