JOSHUA 19 - DAÜLANGPÜ LAIHING (BSI)

Simeon Jat kü Hanpü Kahdok

¹ Nyipabü phongü Simeon am jat phang phang aimü hetteke; jomei mükjüpü Judah amei kahdok mong kü nyuteke.

² Hapa kü Beer-sheba, Sheba, Moladah,

³ Hazar-Shual, Balah, Ezem,

⁴ Eltolad, Bethul, Hormah,

⁵ Ziklag, Beth-Markaboth, Hazar-Susah,

⁶ Beth-Lebaoth, hatü Sharuhen: jilathü anpüjem mü jomei chingthü omei nyuteke;

⁷ Ain, Rimmon, Ether hatü Ashan: jilathü ali mü jomei chingthü omei nyuteke,

⁸ hatü Baalath-Beer, Negeb leipü Ramah thahshi shonei nyupü jila hatü chingthü peü omei nyu. Hapayü phang phang aimü Simeon am jatei mükjüp nyu.

⁹ Simeon jatei mükjüpü Judah amei kahdok kübü hanei shuoh; mehenangkü Judah amei kahdokü longi longshi nyu. Hanangkü Simeon amü Judah amei kahdok mong kü mükjüp dangteke.

Zebulun Jat kü Hanpü Kahdok

¹⁰ Jempabü phongü Zebulun am jat kü phang phang aimü hetteke. Jomei mükjüp viongü Sarid ngoishi;

¹¹ hatü hapa viongü heshüphi lemei ongei Maralah ngoishi, hatü Dabbesheth kü leanei, hatü Jokneam heongphi kahji ngoishi nyu.

¹² Sarid kübü viongü heongphi lemei heih-ei Khisloth-Tabor ngoishi, hatü haleipü Daberath hatü Japhia thahshi nyu.

¹³ Heongphi kü haleipü nedoh-i shadaipü Gath-Hepher hatü Eth-Kazin, hatü Rimmonei yiüpü lem kü Neah philei lepei leishi nyu.

¹⁴ Apsha philei viongü Hannathon lemei nyokei leiyei Iphtah-el kahji mü doh-ei nyu.

¹⁵ Ha mü chemi Kattath, Nahalal, Shimron, Idalah, hatü Bethlehem omei jilathü anpünyi mü jomei chingthü omei nyuteke.

¹⁶ Hapayü Zebulun jat amei mükjüp phang phang aimü dangpü jila hatü chingthü khih.

Issakhar Jat kü Hanpü Kahdok

¹⁷ Alipabü phongü Issakhar jat kü phang phang aimü hetteke.

¹⁸ Jomei kahdokü Jezreel, Kesulloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebez,

²¹ Remeth, En-Gannim, En-Haddah, hatü Beth Pazzez nyuteke.

²² Jomei viongü Tabor, Shahazumah hatü Beth-Shemesh kü leanshi, hatü Jordan mü doh-ei jilathü anpüvok mü jomei chingthü omei nyu.

²³ Hapayü Issakhar jati phang phang aimü mükjüp dangpü jila hatü chingthü khih.

Asher Jat kü Hanpü Kahdok

²⁴ Ngapabü phongü Asher jat kü phang phang aimü hetteke.

²⁵ Jomei viongü Helkath, Hali, Beten, Akhshaph,

²⁶ Allammelekh, Amad, hatü Mishal omei nyu. Heshüphi kü viongü Karmel hatü Shihor-Libnath kü leanshi nyu.

²⁷ Hapayü shao heongphi kü Beth-Dagon lemei nyokei leiyei Zebulun hatü Iphtah-el kahji kü leanshi, hatü apshaphi kü Beth-Emek hatü Neiel kü leanshi hatü Kabul kü laknyong lemei peih-ei yiüshi nyu.

²⁸ Hapayü shao Ebron, Rehob, Hammon, Kanah hatü Longpü Sidon thahshi nyu.

²⁹ Hapheikü viongü Ramah lemei nyokei leiyei penyü showtükpü Tyre chingnyü ngoishi; hapheikü viongü Hosah lemei nyokei leiyei Mediterranean yungching kü leanshi nyu.

³⁰ Hapa kü Mahalab, Akhzib, Ummah, Aphek, hatü Rehob: jilathü hapünyi mü jomei chingthü omei nyuteke.

³¹ Hapayü Asher jati phang phang aimü mükjüp dangpü jila hatü chingthü khih.

Naphtali Jat kü Hanpü Kahdok

³² Vokpabü phongü Naphtali jat kü phang phang aimü hetteke.

³³ Jomei viongü Heleph hatü Zaanannim longkham pünyü kübü Adami-Nekeb hatü Jabne-el homei heihdaipü Lakkum thahshi heih-ei Jordan kü leanshi nyu.

³⁴ Hapa viongü Aznoth-Tabor homei heshü lemei heih-ei Hukkok ngoishi nyu. Pehephi kü Zebulun, heshüphi kü Asher hatü heongphi kü Jordan kü leanshi nyu.

³⁵ Penyü showtükpü chingnyüthüyü Ziddim, Zer, Hammath, Rakkath, Khinnereth,

³⁶ Adamah, Ramah, Hazor,

³⁷ Kedesh, Edrei, En-Hazor,

³⁸ Iron, Migdal-el, Horem, Beth-Anath hatü Beth-Shemmesh nyuteke. Jilathü anpüshü mü jomei chingthü omei nyuteke.

³⁹ Hapayü Naphtali jati phang phang aimü mükjüp dangpü jila hatü chingthü khih.

Dan Jat kü Hanpü Kahdok

⁴⁰ Nyetpabü phongü Dan jat kü phang phang aimü hetteke.

⁴¹ Jomei kahdokü Zorah, Eshtaol, Ir-Shemesh,

⁴² Shaalabbin, Aijalon, Ithlah,

⁴³ Elon, Timnah, Ekron,

⁴⁴ Eltekeh, Gibbethon, Baalath,

⁴⁵ Jehud, Bene-Berak, Gath-Rimmon,

⁴⁶ Me-Jarkon hatü Joppa lemei meepü Rakkon omei nyu.

⁴⁷ Shejao Dan ami jom kü hanshuohpü kahdok neyah-aokpü nangkü jomi Leshemei aongei jom mü hokei shennyakthü jütüktü kahdok yah. Halei jom chingchingei nyu, hatü hapa shing kü jomei bü men Dan shei men.

⁴⁸ Hapayü Dan jati phang phang aimü mükjüp dangpü jila hatü chingthü khih.

Joshua kü Hanpü Kahdok

⁴⁹ Mechem jomi mükjüp vaishi kahdok hanteiyei tempa, Israel ami jom mü chemi Nunei cheha Joshua kao mükjüp hük han.

⁵⁰ Shembüpai epü keiha, jomi büpa kü büpai yiüpükei, phaüshang kahmük Ephraimei Timnath-Serah shei epü jila shuoh, hatü büpai ching agei halei nyu.

⁵¹ Hapayü ngongpa Eleazar hatü Nunei cheha Joshua hatü Israel jat mükhiphang ieyei kübü mübüthüi phongyomei Shembüpa tou kü Shilohlei ashakshem shadenei hanteipü mükjüpthü khih. Hapa keiha jomi kahdok hanteiyei temteke.