JOSHUA 14 - DAÜLANGPÜ LAIHING (BSI)

Jordan Heshüphi kü

¹ Shaang hathüyü Israel ami Kanan kahdokei dangpü mükjüpthü nyuteke, hatü hathüyü Eleazar ngongpa, hatü Nunei cheha Joshua, hatü Israel jatthü kü mübüthüi jom kü hanteke.

² Jat shü mü bhaoei kü Shembüpai Mosa homei epükei phongyomei mükjüp hanteke.

³ Mosai jat nyi mü bhaoei kü Jordan apshaphi kü jomei mükjüp hanshuoh, shejao lebüthü kü kei Levi am phang kü mükjüp nehan;

⁴ Mehenangkü Josephei hapeüthü Manasseh hatü Ephraim shei jat nyi vamteke. Levi ami nyuhen chingthü hatü yemhimakthü kü het ühhen phaü mü lenei kahdok mükjüp nedang.

⁵ Hanangkü Shembüpai Mosa kü epükei Israel ami kahdok hanteiteke.

Kaleb kü Hebron Kahdok Hanpü

⁶ Shaang Gilgalei nyushi Judah am shennyakthü Joshua touei pei, hatü Kenizz am Jephunnehlei cheha Kalebi büpa kü, “Kahvang shennyak Mosa kü Kadesh-Barnealei nyushi ji nang Shembüpai mehe eshuoh, ha jung nüngi nyingei nyüke.

⁷ Shembüpa chongphopü Mosai ngei Kadesh-Barnea leipü kahdok thümnüng shompü hepak kü ngei nyübüh vangbong pinyi nyuhampeih, hatü ngei hingshangpü shah-om koei leipeih.

⁸ Shejao ngei mü daipü küphüthüi nanglakthülei mong maanhüpeih; shejao ngei payü mong kempai Shembüpa ngelei Kahvang phei müpeih.

⁹ Hanangkü ha nyih Mosai ngei kü lah-ei, ‘Nüngei la-i shouppü kahdok kü den kü nüng hatü nüngei hapeüthülei mükjüp vaihen; mehenangkü nüngi Shembüpa, ngelei Kahvang phei mong kempai müteke’ shei ephopeih.

¹⁰ Israel am jahpanei longteipü hepak kü büpai Mosa kü hapa epü nyih kübü shinnyihpai ngei vangbong pinyipünga ngoishi Shembüpai ngei yemmü tuhpü shaang nüngiyao eenyüke, hatü ngei shaang bong büalipünga lomdaiteke.

¹¹ Mosai ngei shompü nyih kei-üng ngei shinnyih thahshi wong kohshi nyüpeih; ngei ha hepak kü kei-üng shaangao hoknüng daiaokhen mü wong kohshi nyüpeih.

¹² Hanangkü ha nyih Shembüpai ngei kü lahpü hapa phaüshang kahmük ngei kü yahshih. Anakim am halei nyuhampeih hatü jomei chingnyüthüyü longshi hatü penyü showtüktü nyuhampeih shei hahepak kü nüngiyao danphei; Shembüpai epü keiha ngei mü büpa nyukahen hatü ngei jom changtükhen” shei e.

¹³ Hahepak kü Joshua-i büpa kü moihimanshuoh hatü Jephunnehlei cheha Kaleb kü Hebron kahdok mükjüp vaishi shuoh.

¹⁴ Hanangkü shinnyih thahshi Hebronü Kenizz am Jephunnehlei cheha Kalebei mükjüp lei; mehenangkü büpai Shembüpa, Israel Kahvang phei mong kempai mü.

¹⁵ Shelei Hebron kü Anakim am longpü shennyak Arbalei men aimü Kiriath-Arba shei nyükhamteke. Hapheikü hapa kahdok vehok kübü nyiumei dang.