JONAH 3 - DAÜLANGPÜ LAIHING (BSI)

Jonah-i Shembüpa lei Shah Bangnyüke

¹ Shembüpalei shah nyipabü Jonah touei peiyei e:

² “Layaongtuh, hatü chingnyü longpü Ninevehlei daituh, hatü ngei nüng kü shuohpü shahjang nanglakthü kü veneishuoh.”

³ Hanangkü Jonah-i Shembüpalei shah bang, hatü Ninevehlei layaongei dai. Shaang, Nineveh chingnyü-ü ahshi longshi hatü hapa chingyangshong homei daihen nyih jem lem nyuteke.

⁴ Jonah-i hapa chingnyü mongei nyih hük lem thahshi mon shütü büpai, “Nyih pinyi mon angtü Nineveh-ü mahtükhen!” shei len.

⁵ Nineveh nanglakthüi Kahvang shah kü hinglem; longpü kübü maanpü thahshi dhoila ashak ümtü shüaeiyunglehen temteke.

⁶ Mechem Nineveh ongpai hapa jung danpa, büpai büpalei ong uoshing kübü yaong, ong ow bhühtüktü büpa nyingi dhoila ashak ümtü kübhih kü uoteke.

⁷ Büpai Nineveh am kü ngeükhüam shuoh: “Hapayü ongpa hatü büpalei lakchongbüthü leipü ngeükhüam nyüke: Shennyak üpaiyao nevaijü yemhimak, mohoh nevaijü mi khong vaituh, meheyao nehahneyinghen,

⁸ Shejao shennyak hatü yemhimak peü kü dhoila ashak ümhütuh, hatü peüi shülangi Kahvang kü nyüktuh. Peüi laophülei mang lem hatü depülaopü yakphongtuh.

⁹ Üpai nyingpa, Kahvangi büpalei mong jeileiyei büpa mongshih anpü doh-ei jen nemahtükhen aokpeih” shei e.

¹⁰ Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.