JONAH 2 - DAÜLANGPÜ LAIHING (BSI)

Jonah-i Nyah Mongei Phoppü

¹ Nyah mongei Jonah-i Shembüpa, büpalei Kahvang kü phopei büpai eteke:

² “Ngelei shanghah vongshüh kü ngei Shembüpa kü nyük, hatü büpai ngei kü jang. Mahngsha chülohpü kübü ngei sheühpü yüei phop, hatü nüngi ngei lenpü danteke.

³ Nüngi ngei chülohpü yungching ilangmongei shüktük, hatü büngi ngei lümlang; nüngei yungmoki ngei shak kü yenteke.

⁴ Ngei nüng toueipü lükdai, hatü nüngei phopshem hajük kü ne-eehen khih shei deihteke.

⁵ Ngei shangkü yung pei hatü ngei lümlang, yungchingi ngei chemjalak kü jümlang, hatü ngelei shangjing kü yeih-i ngeihteke.

⁶ Kahshangthü lashaong thahshi ngei langei sha, kahdok mongpalei denshing ngei küplangteke. Oh Shembüpa, ngelei Kahvang, nüngi ngei chülohpü banghsha kübü yangei lei.

⁷ Mechem ngelei yangnyu lemnyong kü daipa, ngei Shembüpa deih-ei dang, hatü ngei nüng kü phoppü nüngei phopshemei pei.

⁸ Üami angsha lajeithü khümnya, jomi nüng kü vaipü yaktükteke.

⁹ Shejao ngei nüng kü menvih shuohpü mü ngei jakpü moila shuohhen. Ngei mehe lah, ha ngei dükhen. Yemleipeyü SHEMBÜPAleipü peinyeih.

¹⁰ Shembüpai nyah kü ngeükhüam shuoh, hatü Jonah yungphaangei bhaiphongteke.”