JOB SHAHSHA APPÜ 4 - DAÜLANGPÜ LAIHING (BSI)Eliphaz-i Epü 1 Hahepak kü Teman am Eliphaz-i eteke: 2 Shennyak hüki nüng mü shah eteishah shei ejü nüng mongmanghen hiang? Shejao üpai shah ne-e-i nyuaokhen? 3 Deihhümao, nüngi mih kü longi nyuhhampeih, nüngi wong nekohpü am kü sheühhampeih. 4 Nüngei shah-i huluh shuohpüthü longi kü sheühpeih; 5 Shejao shaang ha shanghah nüng touei peiyei nyüke, hatü nüngi ha mu nenenaok; hapai nüng kü hongjü nüng nenenaoknyu. 6 Nüngi Kahvang kü nyempü hayü nüngei monglem, hatü nüng eela neshiüi nyupeyü nüng mong nyangshing nevaipü je? 7 Shaang deihhümao, daülangpü shennyak üpai hapakei shanghah heüei nyüpa? Nevaijü daülangpüthü mahpü melei nyüpa? 8 Ngei eepülei, üami mang sheihen han hoknya, hatü mang sheili hainya, hapa-üng vetnyüke. 9 Kahvangi ngü heepü mü jom mahdainyüke; büpa mongshihpai jom lomohdainyüke. 10 Nemeipüthüyü mailang kei ngüngei vaühen aok, shejao mailangei bha tettükkemteke. 11 Mailangao aeipai didaikemnyüke, hatü mailang chehathü peü yandaikemnyüke. 12 Shaang shah hük joei epü ngei danpeih; ngelei dhaong tüngei nümei epü ngei danpeih. 13 Shinmangh kü manghkhang deih-ei mük paoei nyushingkü, 14 ngei kü nyemei pei, hatü kheü; hapai ngelei vangao kheühü. 15 Laangha hük ngelei dhe kü peih-ei dai, hatü ngei kü hangmum yaongküteke. 16 Hapa nenmü yaongküteke, shejao hapa meheshang ngei neyepaok. Ngei veishuohjü lemhük kei ee, hatü ngei ngeü hük dan: 17 Kahvang touei dihen shennyak daülangi nyuaokhen je? Hangku hük laophü Lingbü touei daülangi nyuaokhenje? 18 Kahvangi büpalei chongphobü kü dangkao hingnelemjü, hatü büpai vangsho phongshanthü kü dangkao mang yepjü, 19 bhihla shangkü chongnyiam vaitü, thaüpi hahtükhen kahdok kü shem vetü nyupü kü büpai hinglemhen je? 20 Shennyak hük dhomi meishi nyupü om kü nenyingi didainyeih. 21 Jomei ashakshem kübü vüthü laitüknyeih, hatü kihikon neshiüi dinyüpeih. |
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
Bible Society of India