JEREMIAH 47 - DAÜLANGPÜ LAIHING (BSI)

Philistia am Shahphenhen Nang

¹ Pharaoh-i Gaza hahshekü Philistia am nangkü Jeremiah thibü touei peipü Shembüpalei shah:

² Shembüpai hapakei enyüke: “Veituh, apsha philei yung longpü nyüke, hatü hapayü yungnyü büng keiha leikahen. Hapai kahdok hatü halei nyupü lemphü, jilathü hatü halei nyupüthü peü bhümlanghen. Nanglakthü vaüei eehen, hatü kahdok kü nyupüthü thepeiyounghen.

³ koyeithü ladhaoki shouppü ngeü, koyei kharithülei la ngeü, kharila shinpü ngeü kü nyemei, nyühipathüi laophülei hapeüthü baong yemei neleihen hatü jomei lak juwdaihen.

⁴ Mehenangkü Philistia am peü, Tyre hatü Sidon kü sheühhen aoei nyupüthü mahtükhen hepak ngoikünyüke. Shembüpai Philistia am Kaphtor yungkungei nyupüthü mahtükhen yopailei nyüke.

⁵ Mahng theppai Gaza ami sho chaei kuptükhen; Ashkelon am nenmü nyudaiteke. Oh kahjilei aoei nyupüthü, meshük lushi am nyingi ma yahpü nyuhenang?

⁶ ‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

⁷ Shejao Shembüpai ngeükhüam shuohyaki mekei nenmü nyuhen, Büpai Ashkelon hatü yungkung hahtuh shei eyaki mekei nenmü nyuhen?”