ISAIAH 4 - DAÜLANGPÜ LAIHING (BSI)

¹ Hapa nyih kü nyüha nyeti baha hük kü shongtü, “Hami hamei hahying hahshah, hatü büm-ow kemei hamei-üng owshah; shejao hamphongü nüngei shembünyü shei mon nyükhahshah. Shem neyemangpih shei eshi veüei nyuhen mon nüngi yahlangshih” shei ehen.

Jerusalem Lingei Leihen

² Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

³ Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

⁴ Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

⁵ Hapheikü Shembüpai Zion Kahshang hatü halei thaipüthü peü shak kü nyihnüng phumi jümhühen, hatü yanüng awnya vangngai shuohhen. Kahvang müknyinshekhangi hapa chingnyü kü jümtü yangei tuhhen.

⁶ Hapayü nyihnüng hebaongwong kü dhüm keiha, hatü yinglükleisho hatü baihivang kü loishing meipü kei nyuhen.