ISAIAH 39 - DAÜLANGPÜ LAIHING (BSI)

Babylon Leipü Phongmokbüthü

¹ Hahepak kü Babylon am Baladanei cheha Merodakh-Baladan ongpai Hezekiah kü lai nyangei thintho hük kotü phongmokbüthü shomteke; mehenangkü büpa tüngei nyupü meitekeja shei dan.

² Hezekiah-i jomphong ombaongei yah; büpai jomphong müei büpalei mophimo tuhshingei shüei haleipü hon, ngin, hetnyai, douvang mainga, hatü haleipü phunglang lemphüli hushuohteke. Büpalei ongshem hatü ongching kü büpai jomphong kü nehupü dou mepaao nenyuang.

³ Hapheikü Isaiah thibüi Hezekiah ongpa touei peiyei, “Hathü shennyakthüi mehe ephopa hatü jomphong meleipü peiküpa?” shei phe. Hezekiah-i, “Jomphongü tailu kahdok Babylon leipü ngei yemei peiküpü khih” shei e.

⁴ Büpai, “Jomphongi nüngei shem leipü mehe mehe eepa?” shei phe. Hezekiah-i, “Jomphongi ngelei shem leipü lemphüli eetih; jomphongi ne-eepü dou mepaao dou tuhshingei neshiüpih” shei e.

⁵ Hahepak kü Isaiah-i Hezekiah kü, Jeiyong Shembüpalei shah bangtuh:

⁶ Nüngei shemei nyupü lemphüli ambü ampai shinnyih thahshi thaiyei tuhpü peü meheyao aoei netuh-i Babylonei shetei lüdaihen nyih ngoikünyüke shei Shembüpai enyüke.

⁷ Nüngei hapeüthü hanei yah-ei lüdaihen, hatü jomphongü Babylon ongpalei ongshemei ban tüktüktü nyuhen” shei e.

⁸ Hahepak kü Hezekiah-i Isaiah kü, “Nüngi epü Shembüpalei shah-ü meiangke” shei e. “Ngelei nyih kü chingmeivangmei kü lakbowlayangei nyuhen enyu vaaishang” shei büpai deihteke.