ISAIAH 18 - DAÜLANGPÜ LAIHING (BSI)

Kahvangi Kush am Hanghihühen

¹ Kush amei yungdangei kahdok hükei yang dheüpü ngeü dannyüke:

² Hapa kahdok leipü Nile yungyen phungei shah baongpüthü pingu yah-ei lingpü ai kü shomnyüke. La shangkhahpü phongmokbüthü! bümhishao meipü, hangbong meipü; kuhhishong kübü peüi nyempü shennyakthü, wong kohpü hatü mih neüpü jat; yungthüi mon aatü nyupü jat touei hapa shahjang koei leituh.

³ Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!

⁴ Shembüpai ngei kü, “Vanghe hejü shamsham shei nyupü keiha, hahvet hepak kü vanghenyü nyahpü kü yanüng nyien yuwpü keiha, ngei nenmü nyuhen hatü ngei nyushing leipü veihen” shei ephüteke.

⁵ Sheili sheipü bong pungei, betjük vungjük shümhen hepak, shejao hapa vaümhen shekü, büpai haleipü shiongja vampü daktükhen, hatü phaakei daei daipü pükaothü louhtükhen.

⁶ Jomei mahng asha alang phai vaihen, hatü kahdoknyü kübü phaüyemthüi hahhen. Phaü-outhüi shaoyang kemei, hatü phaüyemthüi ünyü yang kemei ha hahhen.

⁷ Hahepak kü bümhishao meipü, hangbong meipü, kuhhishong peüi nyempü shennyakthü, wong kohpü hatü mih neüpü jat, hatü Jeiyong Shembüpalei men nyushing Zion Kahshang mü yungyenthüi mon aatü nyupü kahdok leipü thintho longi Jeiyong Shembüpa touei koei leihen.